再臨東京 - 越谷市 AEON LAKE TOWN 11APR12(1)

第4天了, 今日去一個最遠的地方, 最大目的都係想去巡新開的森林家族廚房, 初時都有點擔心, 怕轉車難, 但原來都好容易, 連我依個方向白痴都話易, 自己去絕對唔係問題.

新宿前往方法:
搭乘JR埼京線(普通)【往川越‧大宮‧武藏浦和方面】到: 武藏浦和駅 轉乘
搭乘武藏野線(快速‧普通)【往1號線 南浦和‧西船橋方面】終點: 越谷レイクタウン駅

一到站對面已經係AEON LAKE TOWN, 好近好方便. 主商場分3部分, 先經過一個小商場就到.

好有趣的懷舊零食店

見到我最喜歡的 PASSPORT 店, 好多精品雜貨, 今次我重買左兩套好抵的睡衣, 重見到下面咁可愛的動物造型杯蓋, 隻動物重可以晾 spoon或 fork, 睇得又用得.

好想買的各種布袋, 可裝卡片, 化妝品, 電話等, 公仔重好精緻可愛.

過到第一part 主商場 "KAZE", 先搵野食醫肚, 搵左一間 " 無尽藏" 食拉麵



我不嬲覺得在日本隨便食一間拉麵店的拉麵都唔會差得過香港的, 依間都唔例外, 先試湯底, 好好味ya!! 碗豬骨湯叉燒拉麵真係好好味, 如果個麵煮淋多少少就更適合我, 半生熟蛋都係精髓, 而叉燒都只是大配角, 食完實在好滿足!!

小食反而一般喇.




食飽飽就開始shopping, 依個商場真係好大, 行得好舒服, 感覺有點似又一城, 但不會全是名店, 每隔幾個商舖就會有好舒適的sofa比人休息, 實在好體貼.
另外商場亦有好可愛的baby car 比baba mama推小朋友, 好多設施都十分為客人著想. 實在係一個好好行的商場!
不過地方大相對都要好多腳骨力架...haha

最喜歡的一部夾公仔機, 因為係夾calbee!!

行到去第2區的 "MORI"
行左一陣見到有間精品店 tous LES JOURS...


 

好開心! 終於見到有LE SUCRE 砂糖兔的產品, 重有好多不同款式的用品, 雖然我只買了隻公仔, 但都睇得我好開心!!

我只欠白兔, 今次比我睇中了...KEKE

幾日的勞碌, 體力透支了, 經過一店有按摩椅, 二話不說即坐上, 實在幫我叉了電, 見到LESS 20% 只售23800yen咋, 咁抵玩, 要不是家中已有按摩椅, 實在都想搬回家.




叉完電, 繼續行.
見到好可愛的盤栽

忍手唔買!!

突然又發現有間好森林系的家用精品店 "AMPOULE", 店內的產品亦相當精緻

我還忍唔到手買了3款兔陶瓷呢, 實在又平又靚!!

行左陣, 食雪糕, 突然發現左件好好好有趣的事...

就係見到圖下的美少女打扮的人, 但最攪笑係佢其實係一位大叔, 一位確確實實的四眼大叔, 加上皮膚黑, 竟然著住條美少女戰士裙, 重有對長到膝蓋的白色BOOTS, o個下我真係忍住笑, 即刻叫我姑姐表妹睇, 姑姐見到就O晒咀, 表妹睇到忍唔住笑左出黎, 就連D日本人見到都一樣忍唔住另轉頭又望又笑, 有相為証架.
實在令依個旅程增添趣味!! HAHAHAHA....

笑完後又繼續行, 依度都有間好大的 EARTH MUSIC & ECOLOGY, 就連之後去機場都有, 果然好多分店.

突然又見到一間好靚的藤木家品店




最重要價錢相當便宜, 下面的玻璃櫃仔, 只售1050yen, 放sf或精品最適合不過, 不過最怕打爛.

依張小茶機我實在好有沖動搬回家架, 真係好田園feel好靚, 只售2100yen, 平到我唔信, 不過實在怕拎唔到, 最終放棄.

精美梳妝台 1260yen

森林系玻璃木櫃2100yen only




點解香港無咁正的家品店呢!!