Farewell to Charlotte

玩森林家族帶比我好多歡樂, 其中係可以識到好多好好的朋友, 最要好的朋友之一Charlotte 要移民了,  一班好姊妹相約"和亭"飯聚歡送, 祝你有更開心美好的生活呀!!
好早開始已經唔捨得依位咁好的朋友!! 有時想起真係有d想喊的感覺, 可能係佢性格開朗, 一齊講起家常事總令人開懷大笑, 咁耐以來相處的種種歡樂著實令人充滿喜悅的氣氛!!  幸好我地已經相約再聚, 雖然平時分隔異地, 但通訊發達亦可拉近大家距離!

和民/和亭都係我地經常的聚腳點, 貪佢食物細細份可試多幾種, 油麻地的和亭水準無沙田分店咁好, 拉麵沙律的麵煮得唔夠淋, 蝦天婦羅脆醬唔夠始終做得無其他店好, 窩蛋牛肉飯的牛肉乾身了點, 但海鮮窩不錯, 海鮮ok, 個湯唔會只係無味清湯, 熱辣辣飲好正, 最喜歡炸雞軟骨點上芝士醬, 有款第一次試的薯餅, 面頭滲上蔥花更野味.




最後還點了甜品至走, 牛奶布甸



我的香蕉pancake 不錯, 只可惜個雪糕溶了...

又開心又唔捨得的合照
好友, 等你返黎再見喇.

送了點小禮物比Charlotte, 自己買完都想要, 依d就係我的毛病...haha

竟然還收到Vicky & Charlotte的手信, 還有生日禮物, 實在太客氣喇, 多謝晒兩位呀!! (5ar XDD)