好友共聚大中華

11/6 約了班舊同學聚會, 有部份同學夜收工, 所以決定去大中華飯聚, 其實去邊都好, 一班人見下面已經好開心了!

雖然地點唔近鬧市, 但都好在無介紹錯, 同學仔都好滿意這裡的食物!
今次終於試了炭燒乳豬, 果然香脆, 重有陣陣的炭燒味!




必點的鐵板黑椒豬手, 依然夠味夠淋!

encore的竹苼菜芯苗

炸蠔餅

又係必點的臘味炒飯, 同學都喜歡佢炒得好香好味.

又係同學激讚的蒜蓉粉絲蒸聖子, 蒜蓉粉絲特別野味, 個人喜好更喜歡蒸帶子, 啖啖肉.

炸子雞

南乳炸鱔, 特別喜歡!

HAPPY MOMENT AGAIN!

以下是再兩星期前同新加坡回港的親友去大中華飯聚, 實在食完又食, 都重想再食...XDD

多謝新加坡親友送的代妝品, 原來轉了化妝品公司, 有特惠買化妝品, 真知我心, 知我喜歡搽lip gloss, 平時唔化妝的我, 年紀開始大都要學下喇.

有人陪伴shopping特別開心, 自己都買了不少.

 
當日帶親友九龍, 元朗都去混食甜品.

Haven 7 years old

8/6 Haven 7歲了, 真係不經不覺咁大個仔喇, 不過性格無點變, 依然係唔多痴人.
算喇, 最緊要你健健康康, 開開心心同阿哥相處喇!! ^^

齋呵唔鬧, super sandwiches

6月14日同黃生去睇uncle beach 齋呵唔鬧 talk show , 記得有次睇佢同廸偉一齊做的talk show , 另外又睇過Jan, 詹sir 同 杜文澤的.
其實睇過咁多次talk show先發覺, 原來自己唔係咁喜好這類節目, 我唔可以話人地講得唔好, 始終一定有d好笑位, 但我大部份都會頂唔順瞓著, 依家知係本身問題, 下次黃生再有想睇的, 我都樂意陪伴的, 不過唔好買咁貴, 免得浪費.




灘叔送的愛心靈符

之前在又一城super sandwiches dinner, 無預計的情況下點了兩份大大份的set, 看似美味的三文治, 雞肉太乾.

最R頭係這款同餐牌賣相差九條街的蝦雞夾餅, 附上實圖, 睇下係咪人地所講設計圖片 只供參考呢?!
總之除了內裡的蝦外, 其他餅太乾太厚食唔落.
唯一炸雞係我杯茶.

餐牌圖片係咪相差太遠呢.

JACKIE 新貨@Jun 2013

又係無聊巡舖時間, 見到 Jackie's the bear school 返了一些新貨, 最心動係這個手提包及收納袋, 實在好可愛, 不過自知唔會拎出街, 只好放棄了.




其他產品

自製盤景禮物, 家傳滬曉

6月2姑姐生日, 約了晚餐, 閒聊時得知姑姐想要仙人掌, 好吧, 就來個DIY吧!!
最近手作多, 心思亦多了點, 今次還砌埋盤栽, 本身去花墟看看有無budget內的價錢, 心知都應該不便宜, 點知一看小小兩三種植物連起的盤栽竟然要過千元, 還一點都不美觀, 這樣賺人錢也太過吧!

決心自己製作, 行了花墟一圈才決定買那種植物, 最近大熱多肉植物, 加上仙人掌實在好配搭, 所以買了多種盤栽, 砌完還有剩呢.
看著完成品真的好滿意, 還有不想送的念頭...XDD




好在姑姐見到都好喜歡 ^^

當晚在家傳滬曉晚餐, 食物不錯, 只係我對這類菜一般.

 

終於收集了薰衣草兔及樂園貓,樂園兔喇!

5月中做完姊妹, 忙完一輛終於約了好友Vicky飯聚, 最開心係還帶了一大堆特別版的森林家族給我, 還有睇見都唔捨得食的樂園餅乾, 實在好感激呀!!
有薰衣草兔家族, 香稚花園貓及樂園兔! 要收集的樂園兔系列齊了, 希望繼續努力收集埋福崗兔等家族喇. ^^



食完飯, 行下街, 買了把RILAKKUMA大運扇, 在格仔店買應該都係老番吧, 不過平平地around $100有找, 玩下ok la.

意猶未盡, 一齊去5代同糖食埋棉棉冰, 香芋味真係幾好味, 重有紅豆雜錦, 好滿足呀!!

 

Beauti Wedding Decoration

做姊妹真係辛苦過返工好多, 不過睇住好姊妹出嫁, 又實在好感動!

5.13 當晚在酒店擺酒, 一到會場, 佈置好靚, 好田園feel , 好森系, 原來綠色才是最順眼.
看著好舒服的感覺, 不會又是看慣看熟的東西, 令人覺得至身大自然似的.

 

還有係人都喜愛的COUPLE BEAR, 隔離的小店更受歡迎, 是POP CORN同棉花糖店, 不停供應, 眼見令在場等候的賓客特別開心呢.







有我咁高架.

姊妹造型還可吧, 上午化妝師化得太恐怖, 竟然可以化到毛孔比無化更大, 到酒店清洗晒後再化小小淡妝, 舒服晒.
可惜戎唔到口, 只減了4磅, 好在影得不太胖吧.

 

酒店的view實在太正, 不過只限日間時間, 因夜晚黑晒咩都睇唔到.

其他佈置都很喜歡

最喜歡這種森系佈置

 

就是這款燭台所以自己上淘寶找了更靚的款式, 稍後報告

 

祝好姊姊幸福快樂!!

 

 

 

愛的宣言設計與構思準備

同一班好姊妹開完會, 就開始準備製作愛的宣言了.

經開繽紛, 見到有set 很適合的wedding card package set, 看包裝都不知道內裡是這麼多材料, 還很美呢!




還有少量卡紙, 絲帶及珠仔等等, 這麼多材料都只是$30/有找, 太便宜了.

除了wedding card package , 自己還去了中南搵卡紙顏色紙. 果然最多最齊還是要到此.

看似簡單的工作, 但設計構思都是要非常多時間的, 記得我在最後一星期內每晚OT到3點先捨得收工呢.
卡紙很大, 我還要扒在地設計, 真係腰都差點斷.

初步設計愛的宣言卡, 用材料左併加併, 看看那款比較好.

構思要用LAZE, 所以之前去了深水埗採購, 初形順眼多了.

一大堆材料亂了點.

初步完成了, 不要誤會, 我只是用我的4R相做SAMPLE看看效果, 看著都不錯.

心心相印加上mini bell 是用針線聯起的, 所以可以郁動.

還有這款是"愛妻十條"卡, 新朗讀都有排讀. 粗帶好看還是幼帶好看?

內部未完成的樣子

 遊戲用的歌詞 與 愛的宣言sample





OT了多晚, 終於有點樣子, 但好多還在改變中.

總算完成了, 只欠新朗新娘相片, 要在BIG DAY才有.

白日光影得偏白




看著完成品, 很開心好友新娘很喜歡呢!