行行食食九龍灣 - 明星酒樓, 小飛象

不記得4月還是5月某天, 又到了九龍灣行行食食, 其實香港地無咩地方好行, 其中好行都係九龍灣的megabox, 地方大人較少.

隨意搵了明星飲茶, 質素一般, 鮑汁鳳爪不錯, 可惜部份完全未煲淋, 馬拉糕不合格, 無蛋香, 其他ok.



炸野我都喜歡 ^^

經過淘大時, 見到在日本時坐得舒服的按摩椅, 主要按屁股的, 行到累時坐真係好爽架!
不過日本當時特價2萬9yen有找, 但依度要5千蚊港紙, 太貴吧!

 

經過一手工小店, 結業大減價, 即細心看看有什麼想要的, 終於買了盤想買好耐的大吉, 還揀了盤好靚的蘭花, 今年新年子民有得欣賞了. (大約$300/兩盤)




小小收穫

差不多時間食個TEA

是晚BOOK了在小飛象晚餐, 因在團購買了優惠, $158/位, 另收$24/服務費, 原來都要$182/位, 但其實值得食的只有豬手飯...

RIBS 同 馬介休薯球都OK, 烤菇都不錯, 其他就真係麻麻, 串燒沒有肉味只有調味粉味, 雞翼太乾, 最差係每枱送的咖哩蟹, 真係垃圾, 隻蟹係死的, 蟹肉亦已梅, 蟹身重要重有泥, 死唔死!! 太過份了!!