小茄子泰國菜

前一個星期五晚,放工同黃生返去元朗搵食, 黃生話次次經過一間泰國菜都好多人等, 所以要試下.

兩個人食唔到幾多, 叫左4樣餸都食唔晒.

  

 馬拉盞椰菜炒粉絲, 雖然粉絲炒得太乾身, 不過馬拉盞的味道炒得好香好好味!

 

  炸蝦餅都不錯, 但畸厭太大塊唔易食.

海鮮炒飯食得出海鮮係冰鮮貨, 完全無味!!

串燒雞同豬, 兩樣都不錯, 唔會鞋有肉汁, 就算食唔晒返去焗返熱都咁好食.