由於搭早機, 零晨3點幾已經要起床準備, 好在有姑丈車埋我, 當日的朝早都十分寒呢! 一上車已感覺特別溫暖! 因為有人載又有親人相伴去旅遊吧.
早機關係, 無論機場同搭機的人數不多, 心情更舒適!
到埗排NEX買火車票就比平時多人了, 排了一會總算趕得切搭就到的車, 仍然無咩人, 爽!
今次本想訂mobile wifi, 但可惜遲了訂唔到, 好吧, 照舊訂了兩張 sim 卡 @3980yen, 價錢不夠前者化算. 最不幸是我的iphone 5s 竟然用不到, 但表妹的 iphone 5就無問題, 重點是在setting位置上發現有個item是我沒有的, 相信是我部新機, 有些地方未解決. 只好第2天打去C.S. 詢問(只在朝早7-11am服務), 答覆是download apps, 最可憐的是帶去的router用不到, 表妹手機的hot spot不流暢, 要download野更是無可能), 去hotel lobby用wifi一樣用唔到, 更去埋電訊商又唔support 此類sim 卡, 比佢推了去電器店, 又成舊木咁幫唔到, 點解會咁架, 最終當晚黃生叫我reset router, 終於上到網了, download後再restart 手機終於成功了!! 實在感動起來!!
第一日到先去買定箱根pass同機場巴士預約時間, 完成後便回酒店放底行李, set唔到sim卡便出去行街搵食了, 今次依然是 SHINIJUKU PRINCE HOTEL, 住了尾房, 一向不太介意的我, 姑姐就不是了, 第2,3晚還發生了點靈異事件呢, 佢聽到大門外都好嘈傾計聲, 最可悲還要第2天就告知我, 當晚到我疑神疑鬼了...瞓到半夜無lala 成個人完全清醒, 開始對每種細微的聲音都十分敏感, on 居居等了很久才懂入睡. @@ 聽佢講已經唔係第一次, 原來4月時已經聽過有人講野, 我同表妹只是聽佢講好嘈, 無想過佢講好嘈原來係咁既意思... 下次都應該無得再住這間酒店了, 畢竟佢確實食野買野都十分方便呢!
第一晚先在隔離的pepe商場逛逛, 到民族店一眼就看中了很喜歡的真皮boots, 而且還在做半價呢!! 半價都要7000yen架, 不過現在日元只對7.5, 相對已經好抵了! 還有幾款很美的顏色選擇(無影), 但已決定了買左邊的一對.
沒行多久, 都去搵餐廳醫肚, 姑姐喜歡的韓燒店, 可惜今次十分多人, 無上次坐得舒服, 而且較入位置都比較煙同熱.
order了個set同其他, 睇唔清, 原來kimchi也太多了.
海鮮依然是大家最喜歡的, 香脆, 點上汁更美味.
炒牛肉碎.
當然亦有五花腩
用生菜包住, 加上kimchi係最好的配搭!
再來部隊鍋, 辣住食都得十分滋味!!
食得飽飽滿足! 表妹怕冷所以同姑姐回酒店了, 自個兒去 Lumine EST逛, 太晚了, 只夠時間看幾間店, 精緻的家品店都是我目標!
K X K 的產品都只是100YEN
這間的毛毯有做特價, 手感十分柔滑, 見仍有點貴, 忍手先.
日本出名首飾品牌 Palnart Poc, 在新宿都有分店呢, 精緻程度爆燈!!
http://palnartpoc.com/
細選了鍾情的小兔款式, 香港賣都好貴呢, 見過賣5百多, 但此處賣4000yen 咋. ^^
陶瓷的設計也太美了! 可惜太貴了, 看看好了!
3 coins 內尋寶, 每件都只售105yen
是晚的收穫
100yen店同 K x K
3 coins
U.S. Mart
Pepe 民族店
冬天最好食雪糕 ...^^
沒有留言:
張貼留言