好少會開學期來, 姑姐話上次同埋姑丈同黃生一家5口來因為事事要照顧男士自己未玩夠, 今次見表妹有假所以又係3人行, 只有女士的shopping之旅...XD
7點多去機場途中, 香港天氣好到不得了
第一次在機場飲茶, 雖然味道一般, 但食得舒服特別醒神!
轉個頭又到NARITA機場, 依然有4500yen round trip Limousine Bus ticket
今次時間配合, 可揀直接到京王酒店
無上次咁好彩住upgrade 房, 而且還有點恐怖經歷, 事原我當晚瞓到第朝好地地, 點知姑姐話無覺好瞓, 昨晚成日有人拍窗拍門, 跟住表妹又話聽到, 重有人開化妝品袋, 就係咁攪到唔轉房唔得, 以前最多係姑姐聽到怪聲, 依家連個女都有遺傳, 真係唔知驚喜定驚奇.
雖然我平時超喜歡睇恐怖片, 不過現實生活就唔想有依D靈異經歷喇.
其實京王都真係太舊喇, 雖然返新過, 但有歷史的地方自然多怪事
依間3人房都算幾好, 有個化妝枱隔離就係衣櫃, 不過當晚就係依度有怪聲架...XO
廁所設計顏色太陳舊
4月來時有間想食的餐廳太多人無食到, 今次來, 可惜食物感覺唔夠鮮, 在日本實在好少有這種經驗.
唯有買件甜品滿足下
第一晚的收穫, Panasonic EW-DJ51水牙線, 即係用水洗牙縫, 用過都算OK, 充電式, 儲水位有限, 所以都要再 refill 水, 依款是可國際用的, 不須轉火牛都可以用十分方便, 不過自己都係有點懶而少用.
沒有留言:
張貼留言