兩年幾無同黃生一齊去旅行喇, 真係好祈待, 終於o係前兩日出發.
本來去日本京都架, 不過日元升到唔識停, 最終轉軚決定去泰國, 上次黎已經係3年前的事, 好多野都係我好掛住的, 今次去bangkok之餘, 會去埋huahin(華欣).
重係渡假中的我已經o係比較hea的huahin, 所以終於有時間去即刻記錄享受中的行程... 唔講咁多, 開始喇!
兩個月前o係 Airasia買左兩張特價ticket, 唔係最平但相比其實airline都已經好抵, 3千兩位包tax.
黃生話要試試又快又抵的express line, 100b/位, 13min.已經到Makkasan 站, 不過要轉MRT都要行10幾分鐘亦有D崎嶇不平的路...
MRT坐一個站就到Sukhumvit, 2號出口唔洗2mins就到第一晚的酒店 - S Sukhumvit Suites Hotel
門口同lobby細細, 不過又新又方便...
Good luck, upgrade左去deluxe room!
房間好舒服好正, 最重要開左無幾耐, 所有野都好新!
lift位出面
10/9 星期五同班friend一行5個人去荃灣和民補食我餐生日飯, 其中一個friend有DBS卡, 可以食一個特惠的4人套餐, 因為要繼續戎口, 蝦蟹牛蛋都唔食得, 所以另外叫多個雞翼同雞軟骨比自己食.
等左成粒鐘好肚餓, 第一碟燒鯖魚到即刻比我地係咁食, YUMMY!
好快手, 已經黎左6碟喇...
最可惜我要戎口, 見到牛肉火鍋都無得食
個炸蝦salad真係好想食呀~~!!! 救命呀!!!
嘩! 黎下黎下竟然有十幾碟o係枱, 多款式又好味, 真係好抵食! 用DBS卡就可以HKD402食到, 抵抵抵呀! 不過依張卡真係唔係個個有.
有機會一定再食!!
約左朋友去荃灣食飯, 當然順便到千色店巡下舖, 無諗過比我發現好多日本新品突然到港上架, 睇到我流晒口水, 就買兩件止下喝先, 重出的精靈系列真係超kawaii, 之前想要真係要去Grinpa或sylvanian kitchen先有, 本身都有個透明盒裝, 不過就唔捨得拆, 依家有復刻版, 暫時買住其中一款玩住先, 重買埋好elegant的garden swing.
tree house係好玩, 不過又係空間問題...
以下3款就唔大件, 不過感覺唔太精緻, 但有可愛的精靈.
以下兩款都已上架, 無折情況下二擇其一, 都係揀swing, 其實都好喜歡張park bench, 不過唔喜歡個fountain 又double.
依款BBQ set都幾過引, 不過未見上架.
依款新版windmill真係幾吸引我, 特別加左個extra room, 重有雙坐位swings, HKD899再折的話價錢都OK, 可惜空間問題, 唔洗諗.
星期二已經頂唔住要book旺角個"黃錫明"皮膚專科醫生睇, 無得電話預約好唔方便, 因要返學同時間限制問題, 唯有中午仆去掛診再放工去睇, 重要黃生去幫手等攞藥, 好在同事提醒等藥耐, 最後起碼等左半個鐘有多......
最心痛都係睇左成$580蚊, 皮膚痛, 肉更痛, 雖然黃生比, 但4日後又要覆診, 想死...
黃醫生話我係皮膚燒傷, 即比趺打藥酒灼傷, 想起睇專科前一兩日真係又紅又腫重燒到出水同一粒粒腫起, 好似睇緊恐怖片咁! 好在之後食左第一日藥已經消腫, 第2日開始脫皮, 第3日一樣, 不過皮膚燒得太利害, 太深色, 一定無咁容易減退, 最傷心係下星期要出發去旅行陽光海灘, 著泳衣一定唔靚喇, 真係咩心情都down晒!!
多謝一班blog友,親友, 朋友關心, 重介紹我用咩退印產品, 我都希望盡量退印去enjoy 旅程!!
肩肌炎應該好左好多, 但係不幸見到皮膚發炎, 依刻先記起原來有次捽完藥酒曾經有過敏反應.
最初都只係小小紅, 跟住又紅又腫, 舉手都難, 搽野洗傷口重有出小水珠情形, 搽雙飛人同娥羅納英都無用, 今日頂唔順終於落街睇醫生, 醫生一睇已經話我係"敏感性接觸性皮膚炎", 重話嚴重會引至濕疹架, 洗唔洗咁嚇我呀....... 唔係平時睇開的主診醫生係無咁細心, 消炎藥都係我問佢先比, 重無話我知洗唔洗戎口......
另外懷疑自己對食茄子敏感, 由於之前有兩次食茄子後出現腸胃炎, 今次食完後第朝痾左兩次, 其中一次重痾水, 好在之後無再痾, 但個胃有些微陣痛, 一問醫生先知係有人對茄子敏感架, 奇怪以前食都無問題架, 到依刻都真係唔肯定自己係咪真係對茄子有敏感.
禮拜頭朝早瞓醒已發覺唔妥, 左邊膀頭有d痛, 直情舉唔起隻手, 拎起隻杯都會手震, 跟住試o下搽安美露, 搽完都無發熱感覺o既?? 點知到左夜晚沖涼先發出黎, 即刻鬆返d, 到第朝都係咁上下痛, 就試下冬青膏, 黃生重幫我捽左幾野, 不過無咩起色...
到第3日瞓醒重痛d咁, 頂唔順都係要去睇跌打, 住依區咁耐都無接觸過依方ML的醫師, 上網就搵到個o係內地畢業的後生專科醫師, 初頭都驚佢經驗唔夠架, 不過都試左先, 放工即刻返屋企換定件背心去睇証, 醫師幫我扭隻左手幾個動作同按幾個位, 就話我係肩肌炎, 佢幫我捽左d藥酒, 做脈衝電療, 重有敷藥, o個下我最擔心問: 咁我咪無得沖涼... 醫師話: 係呀, 抺住身先喇. 我心諗梗係無可能, 當然依d難唔到我喇, 返去搵野包住病患處, 附近就用濕毛巾抺幾次, 烏低身照洗頭, 淨沖右半身同下半身, 大熱天時當然要沖涼至舒服架喇....
再第日中午可以拆藥布, 當時都好地地, 點知到夜晚先發覺皮膚敏感, 少少紅腫, 只好搽d雙飛人頂住先, 雖然唔係話隻手即刻好晒, 起碼隻手舉得起, 係有少少痛同攰, 已經好左d, 都係要時間休養下等佢好, 戎食酸辣亦唔好舉重物.
原來我地有樣毛病, 當發覺某部位或做某動作時作痛, 會好不其然咁去重覆嘗試依個動作, 醫師話咁係唔正確架, 好似我咁, 成日嘗試舉上舉落隻手睇下重痛唔痛, 其實係會惡化發炎的程度的.
