森林朋友送的斑蘭cake

昨晚約左位singapore來香港的森林朋友見面, 順便帶佢行下香港最旺的旺角, 見到佢買到滿載而歸我都好開心呢.
重收到我好喜歡的斑蘭cake做手信, 重買埋唔係成日有的燈味, 一打開實在香味撲鼻, 不過我始終最愛都係斑蘭cake的味道!!

5餸住家飯

平時真係唔會點煮飯, 要食住家飯多數返奶奶,媽媽或姑姐度, 依排總算1-2星期煮返餐, 上星期去街市求其買左D餸, 返到家黃生話我想點煮, D餸買到咁奇怪, 其實我都唔知架, 見到想食咩就買咩, 所以有時真係唔知會煮出什麼呢.
Anyway, 雖然放工後煮飯係辛苦d, 不過實在係滿足的一餐住家飯, 特別好味呀!!

 

結婚9週年@德國佬餐廳

昨晚放工返元朗睇body check report, 正常, 之後join黃生去book左的德國佬餐廳 慶祝結婚9週年, 真係唔經唔覺......  
餐廳位置都幾偏僻, o係一條住宅的內街, 餐廳外放了幾張椅桌, 方便吸煙人士, 內裡裝潢算有feel, 燈色昏暗有情調, 加上聖誕小佈置, 增添溫暖氣氛.

order左2人set, 揀左大蝦及德國腸拼盤, 可惜套餐無德國豬手, 下次吧.
--餐飽是熱烘烘的, 香草飽比淡淡的蒜蓉飽較吸引.
--薯仔沙律, 忘記加上一早附上的黑醋/油, 否則應該更味美.
--大蝦燒得新鮮彈牙, 配上特別醬汁及什菜, 尤其茄子吸收晒精華, 增加豐富的口感!
--德國腸算不過不失, 無預其中特別, 不知是否我食得太多隨處可買的司華力腸關係, 其中一款的味道實在好相似, 配上特別調制肉汁, 十分匹配!

--餐前湯係忌廉蕃茄湯, 新鮮蕃茄制成, 喜歡蕃茄的人一定喜愛, 雖然我都覺得做得好好, 但個人喜好問題, 如果係鮮mushroom soup會更合我口味.
--甜品係忌廉泡夫, 奇怪個皮係濕的, 唔知係出面食的唔正宗或是正常先係咁呢?!

餐廳員工殷勤有禮介紹食物, 服務加分.
2人set $398/, 未計黃生order的黑啤及加一

LCX 森林家族陳列與8折優惠

上星期行過LCX, 見到好多聖誕禮品, 其中發覺有好多新款iphone case, 好似唔買唔入流咁, 其實我未有iphone時都會想買返個, 因為有d設計真係幾靚.

除左各式各樣的精品, 當然唔少得去巡森林家族喇, 重發現有8折優惠.
見到隻聖誕JUMBO朱古力兔, 先記起屋企的MILK RABBIT未換聖誕服飾.

大多數的新品都有上架

連聖誕裙同不織布聖誕裝飾套裝都有.

原來唔止得一個陳架, 行到corner位重有的.

暫時知道sogo 同 千色店都有8折優惠, 後者有blog友通知買滿$200/加$69/可換購2012年月曆呢.

更新: keto報料, sogo 買滿$500 送姐姐size聖誕衫一件.
    另外大眾亦有8折優惠!

海港城聖誕佈置

上星期六到中環行完街, 坐船過返尖沙咀, 好耐無搭船, 天氣特別好, 還感覺到冷風吹來有幾凍, 好在有戴頸巾.



今年海港城用Toys story 做聖誕主題, 正WOR!

胡廸好型好高呀



我企埋去都係到佢大脾咋.

重有翠絲同其他成員, 可惜無巴斯.

 

行到咁上下, 見到美麗的日落景色.



返到屋企樓下, 都有小小佈置増添氣氛.

所以照片都係用iphone 4s拍攝, 效果唔錯.

上環瑞記, Holly Cow frozen yogurt

上星期六出左上環, 去左瑞記, 試下好出名的牛肉麵同西多, 講真句, 西多並唔覺有咩特別, 不過用綀奶代替糖醬夠甜.

 

 

一碗普通的牛肉麵, 要煮得有水準絕對不易, 食得出牛肉用生粉醃過, 口感鮮滑, 麵煮得剛好不淋不硬, 湯未至於用上湯, 但都不是胡椒湯, 不過不失.

華田唔夠味亦不夠甜, 黃生飲的凍奶茶用玻璃瓶裝上, 有趣.

好怕Yogurt酸味, 但又偏偏喜歡Frozen Yogurt, 加上新鮮至愛blueberry, 好味極!!



朱古力醬加香蕉比蕉糖醬加菠蘿好食.

 

生菜魚肉煲

上星期四天氣轉冷, 即刻想食D暖笠笠的食物, 唔想買太多野打邊爐, 就買生茶魚肉整返個煲, 加埋肥牛, 滿足晒!!