結婚9週年@德國佬餐廳

昨晚放工返元朗睇body check report, 正常, 之後join黃生去book左的德國佬餐廳 慶祝結婚9週年, 真係唔經唔覺......  
餐廳位置都幾偏僻, o係一條住宅的內街, 餐廳外放了幾張椅桌, 方便吸煙人士, 內裡裝潢算有feel, 燈色昏暗有情調, 加上聖誕小佈置, 增添溫暖氣氛.

order左2人set, 揀左大蝦及德國腸拼盤, 可惜套餐無德國豬手, 下次吧.
--餐飽是熱烘烘的, 香草飽比淡淡的蒜蓉飽較吸引.
--薯仔沙律, 忘記加上一早附上的黑醋/油, 否則應該更味美.
--大蝦燒得新鮮彈牙, 配上特別醬汁及什菜, 尤其茄子吸收晒精華, 增加豐富的口感!
--德國腸算不過不失, 無預其中特別, 不知是否我食得太多隨處可買的司華力腸關係, 其中一款的味道實在好相似, 配上特別調制肉汁, 十分匹配!

--餐前湯係忌廉蕃茄湯, 新鮮蕃茄制成, 喜歡蕃茄的人一定喜愛, 雖然我都覺得做得好好, 但個人喜好問題, 如果係鮮mushroom soup會更合我口味.
--甜品係忌廉泡夫, 奇怪個皮係濕的, 唔知係出面食的唔正宗或是正常先係咁呢?!

餐廳員工殷勤有禮介紹食物, 服務加分.
2人set $398/, 未計黃生order的黑啤及加一