興奮o既心情立即湧現喇, 因為到左我依個trip最重要的一站 - 森林家族餐廳喇!!
bangbang聲搭lift上到去, 真係黎幾多次都唔會厭.
好鬼開心呀, 影幾張佈置, 我都等唔切要入去掃左貨先喇!!!
omg, 見到喇, 我上年6月黎都未有的復刻版森林餐廳, 竟然得返一盒, 唔係化, 我真係咁好彩, 我即刻周圍望真係唔見有wor, 問職員話真係last one喇, wah......... 開心到爆呀!!!!!
跟住一路揀一路影底森林家族餐廳的特有產品, 有d唔買都可以睇返相麻.
wah, 好鬼靚呀, 係咪真係食得架?!
Super Chocolate Rabbit Sister
無意中比我發現小朋友遊樂場區上面有間綠頂的beauty house, 真係未見過wor~~
shopping完, 我同姑姐都玩下抽扭蛋先, 500yen/次
結果姑姐抽到小餐具, 我抽到新的dress, 不過我前一日買左, 所以送埋比姑姐.
好喇買完玩完, 上次黎都無坐底食, 今次行到攰攰地同姑姐表妹試下依間餐廳先.
今次包場wor, 姑姐好擔心佢做唔做得住...
姑姐同表妹重o係枱毯上玩埋油顏色...
其中一位侍應原來識英文, 唔錯bor, 我地落order都無咁雞同鴨講, 因為佢得日文menu, 有相都唔sure係咩野黎麻.
叫左個兒童餐比表妹, 炸魚柳都幾好食. 左上角係另order的炸雞, 依個真係超好食tim ar, 個個食到lam lam脷!
我的海鮮意粉, 估唔到咁有水準, 個汁係魚子汁, 真係好好味wor!!
今次都要order個甜品先, 5百幾yen有埋隻森林家族杯, 抵喇!
都一樣咁好味架.
埋單時佢會比過隻新你的.
欣賞埋餐廳內的佈置就走喇.
燈都咁有心思
clinic 系列, 排得幾有趣bor.
睇下先, 今次o係餐廳的收穫, 比上次多一大袋, 因為真係出左好多新貨呢.
今次終於忍不住買埋大牛奶兔, 4千yen真係幾抵麻!
最開心都係買到 last一盒的old version sf kitchen, 我終於可以帶你返屋企喇!!!
p.s.買到傻下傻下, 都唔知原來自己都無買到cheerleader & ballet set, 前者重真係好靚架, 不過睇完又唔記得拎去比錢... haha, 算喇, 今次都真係滿載而歸, 留返下次買喇.
wah! 咁多特別版既?? 唔得喇,真係超想去行一轉呀>.<
回覆刪除邊個可以陪我去呀 T.T
[版主回覆04/23/2009 17:58:00]冷靜冷靜, 其實好多你應該o係上年去時都有架bor, 小紅帽我都係上年買的, 其餘得chiffon dog wedding set先係新o既, 我諗你未買都唔係好多, 不過今年真係出左好多新貨, 都真係時候要去入貨呢.
嘩, 唔知點解, 我部機load 啲相好慢... 等睇你啲相, 儍咗都未睇到??
回覆刪除[版主回覆04/23/2009 18:00:00]我之前都有咁o既問題, 我同事部機依家都睇到, 你再試試.
隻杯好靚呀~~
回覆刪除[版主回覆04/23/2009 18:04:00]杯杯o係表妹的, 我就無買多杯食, 可能覺得都唔係太靚, 又未必用得著, 或者下次喇.
樹屋好靚喎有無買呀
回覆刪除[版主回覆04/23/2009 21:10:00]wah, 唔好"反"喇, 間tree house個盒有兩間house kitchen咁大, 真係想買都無本事拎走, 唔好話拎去機場haha, 雖然我都幾喜歡間tree house, 不過真係太大件喇, 除非我搬大屋, 唔係都無位放o係屋企喇......
嘩~愈睇愈羨慕......
回覆刪除以上個啲我真係好鍾意啊!Very cute~~~細細隻...仲有咁多特別版既貨......有機會我一定會去Japan架!!仲有啊!森林餐廳啲野食都咁好味,食完個甜品仲送埋隻新杯比你,超正啊!心心眼.....一定super happy啦~
[版主回覆04/23/2009 21:15:00]係呀, 真係隻隻都咁可愛, 餐廳食物同甜品又真係又抵又好味呢!
唔洗羨慕, 我應承你, 如果我下次去的話, 一定買返隻送比你!! 唔知你會喜歡邊隻呢?
盞燈好靚, 放晌房會好襯. 個甜品好好味咁, 仲要有隻杯添.
回覆刪除[版主回覆04/24/2009 09:45:00]我諗我地自製都OK架.
甜品真係好食抵食, 最重要有得紀念麻.
回覆刪除我上次去嗰時好想買呢啲衫仔....但係冇得賣呀!!我唔開心咗好耐呀!!
仲有....點解我去嗰時冇姐姐識講英文嘅??攪到我要用我嗰啲有限日文....仲要玩死晒佢哋......
[版主回覆04/24/2009 09:48:00]如果我知實幫你買埋, 因為唔呀位麻.
係咩, 我以為你上次去都有個識講英文的姐姐tim, 真係好彩有佢o係度咋, 唔係都唔知有咩野食啱自己.
個old version kitchen我上次去都仲有好幾盒架!!個幾月就賣晒啦....犀利!!
回覆刪除[版主回覆04/24/2009 09:49:00]wah, 依個係我今個trip其中一樣超lucky的地方, 我想像唔到如果買唔到我會幾傷心lor!!!
至大嗰隻rabbit, 4xxx yen, 好抵喎!!! 有機會去, 我都要搬隻番LA...
回覆刪除[版主回覆04/24/2009 09:53:00]上次我去都無買到, 今次終於忍唔住, 之前見咁大隻覺得唔多襯屋企d子民, 但睇下睇下見咁平都係想收藏返隻呢!
Oh, 終於睇到你d 相嘞!!!
回覆刪除[版主回覆04/24/2009 09:54:00]good!
哇~~~~~~~~~~~~~~~~~~~~~你就好啦~~~我好想好想去呀!!!樣樣都想買!!!
回覆刪除[版主回覆04/24/2009 09:55:00]係呀, 你會唔會考慮同sf fans去呀, 其實sue想搵人陪, 可以就聯絡佢呀!!
我無愛麗斯,羊羊student 同埋下面果對北極熊青蛙ga~>.<
回覆刪除[版主回覆04/24/2009 23:53:00]原來上次你去alice無貨, 我有d記得我都幫你搵唔到.
嘩... 你買咁多, 點拎返香港呀?
回覆刪除勁!
[版主回覆04/24/2009 23:55:00]回程真係勁, 增至四件行李, 好在坐limousine bus, 唔係就大穫喇...hahahaha
睇見都覺得好開心.
回覆刪除[版主回覆04/24/2009 23:55:00]係, 買野真係最開心呀!
我鍾意兔仔BB架!我好鍾意左下角果隻^^
回覆刪除↑就係呢隻啦!有機會我一定會去Japan~
[版主回覆04/25/2009 13:14:00]我無記錯我去買時已經係last one, 不過我應承一定會送隻比你, 如果下次真係唔見我就幫你揀另一款兔兔喇.
好羡慕啊！真係好懷念日本，好耐冇去呢！
回覆刪除復刻版森林餐廳，我也超想擁有！
（另外，我係Kiki度留言提起想搵森林朋友仔聚一聚，你有冇興趣？28或29號？）隨便問下，唔得閑就算啦。
[版主回覆04/25/2009 13:17:00]e, 我都想同my你聚聚bor, 到時confirm地點我再答實你呀, 因為我都怕太遠呢...
我復活節去北海道都買左你第三張相嗰間藍色屋同埋你都有買嘅一set兩大三細嘅figure，仲有一set bb房家具，都係around 10000 yen，真係好抵呀
回覆刪除[版主回覆04/26/2009 23:53:00]真係q呀, 我都係o係北海道買間藍屋的house kitchen返黎架, 不過我係新年時去買的, 真係好大間, 好在唔太重咋... haha. 我o係bic camera買的, 6820yen.
你講的兩大三細係咪黑白貓呢, 我新年時都唔見北海道有wor, 你真係好彩呢.
我會住係銅鑼灣喔，你係邊度啊？
回覆刪除[版主回覆04/26/2009 23:33:00]haha, 我住香港最北的天水圍, anyway, 你之前話我知gathering幾時同地點, 我再決定喇.
又去掃貨...超羨慕呀......食甜品仲有杯送....真係好抵呀....呢間餐廳我覺得好舒服.,..入到去好開心.....覺得自己變左小朋友咁...哈
回覆刪除[版主回覆04/26/2009 23:35:00]係呀, 真係一個森林家族天堂, 一入去已經開心滿載, 樂而忙返!
Thank you 你先!如果有兔兔既話,我會較為喜歡穿粉紅色衫個啲,Japan真係有好多選擇啊!Ha~
回覆刪除[版主回覆04/26/2009 23:36:00]好的, 希望我好快又會再去過喇!
嘩嘩嘩 .... 有幾個特別版我都好想要呀 ... 好似呢個15週年的 Lion & Forg set ... !!! 仲有你好 lucky 呀 ... 俾你買到old version kitchen ... 我要等HK有才可以買啦 !!! 而我上年去日本時都有去吉祥寺餐廳 .... 但冇食到個 Ice-cream 呀 .... 好唔開心有得要隻柸 ... 我都唔知點解個時冇食到 ... !!! 而且上次我去時我晚上才去到森林餐廳 .... 所以影唔到出面餐廳的靚相 .... 原來日頭吉祥寺大街係咁靚 & 多野睇架 .. !!! 好想再去呀 !!!
回覆刪除[版主回覆04/26/2009 23:43:00]lion & frog set最可惜唔係日版而係美版, 不過我都無買到, 反而買左rabbit & chicken.
old version kitchen你都唔好祈望香港會入到貨, 因為成個日本都只係兩個地方有售咋.
其實我去過兩次都無要到隻杯, 今次食完隻杯都係表妹的, 可能覺得隻杯都唔係特別靚, 不過下次去都有可能再食個甜品, 留個紀念吧.
吉祥寺真係好大, 行一日都行唔晒架, 下次我都會用多d時間行呢. 依個地方我真係好喜歡, 所以我都一定會再返去呀!!