"慢"遊東京 - 新宿:京王超市, bic camera(15/4)

睇完靚靚櫻花, 去左京王百貨食品部諗住買d野返酒店醫下肚, 好抵死, d人不停叫你食依樣食o個樣, kathy表妹話o係o個度食得特別開心...

 

買左依款餃子

 

買sakura限定版布丁試下先

 

toro susi樣子麻麻, 但試食真係幾好食架, 可以買半盒around 600yen

 

係超市行到花多眼亂, 差點出唔到門口, 終於恨心離開, 下一站係去小田急內的bic camera喇, 心急買森林家族呀!! 最平o既貨品o係晒度麻, wah, 果然出左好多新貨, 買喇買喇......

 

始終凌晨機太攰喇, 3-4點返去酒店食d野同瞓個覺先, HOTEL CENTURY SOUTHERN TOWER o既房真係好乾淨企理, 職員重好smart幫我地將之前放底的行李拎晒上房, good ar!

 

係人都知o係新宿近JR o既酒店一定又貴又細, 今次住依間果然正, 30000yen一晚的房間真係平放幾個喼都重有咁多空位行, 好舒服呀!

傻下傻下, 頭先睇返先知, 原來酒店upgrade左間Superior Twin的房比我地, 唔怪得咁大喇! 又一個lucky! (hotel link)

P.S. 經EGL買package會抵好多.  

 

一開個窗簾, 剛好望住頭先去的新宿御苑, 原來咁望都唔多覺有櫻花呢, 好在都有去睇咋.

 

開餐喇, 個toro susi樣子麻麻, 不過真係幾好味, 餃子都ok

買左3款布丁, 其中梗係要試下限定版的sakura味, 都ok wor, 不過表妹同姑姐都唔欣賞.

重有d櫻花o係面, 好精緻.

 

我瞓左2個半鐘到6點幾, 係時候要出去逛逛, 不過得自己一個, 表妹&姑姐繼續做大懶豬.

酒店對面就係takashimaya, tokyo hands... 直接過條橋就到, 真係好方便.

 

行左去U.S. MART & PEPE的24小時雜貨店, 兩間都係shinjuku prince hotel附近, 前者好細間, 後者大好多, 買野飲, 傻片最啱我.

 

行下行下去左歌舞妓町, 好鬼驚呀, 因為剛剛o係香港陪黃生睇"新宿事件", 成日驚有壞人走埋黎, 不過都係自己多心姐...

 

無喇喇, 比我搵到blog友介紹的塩燒海老, 即係大蝦

有成隻手咁大隻架, 580yen/隻, 即叫即燒, 要等10零分鐘, 啖啖肉呀, 等下都值得!

o係HMV買左兩隻碟比黃生做手信

 

今日o既收穫, 買到chocolate rabbit bedroom set 喇, 想買好耐喇, 張cherry sofa & bed真係好q呀! 重有white cat family & acorn mouse family, 未試過一次過買兩set新出的family, epoch真係要我地破產呀!