郊遊鳳園, 沙螺洞

連續4日復活假, 今日已經o係 last day, 昨天join埋表妹一家去bbq, 本來如果無人約就自己同黃生去bbq架, 有朋友特別推薦姑丈去沙螺洞, 話係人間仙景, 咁就去睇下有幾靚先.

一去到鳳園會見到有個蝴蝶保育區, 要欣賞蝴蝶要比$20/入場費, 不過最抵死係我地最後都無入到去, 而所謂的入場費原來其他人無比到都入得... 算喇, 當係幫保育大自然出一分力喇.

 

一開頭怕唔夠時間, 所以先行上沙螺洞的方向, 原來要行成3百幾級樓梯, 真係行一陣都要休息一陣.

 

沿途有唔少小昆蟲, 依隻蟬大哥真係叫得好響.

 

最初見到的依種植物覺得好靚, 但行程最後會突然變得好討厭, 因為到我地bbq時, 不斷掉到我地頭上同食物上, 真係加晒料.

 

上到山頂喇, 雖然天氣有霧, 不過景色同空氣都令人感覺好舒服.

 

上到山頂要再行多20分鐘先到, 途中有段分叉路, 不過依個係行錯方向的地方.

 

見有個亭坐底休息一陣.

 

小溪見到好多小科豆, 令我回想小學時同同學o係橋底玩的回憶.

 

到左沙螺洞喇, 不過一個指示牌都無, 只係有下面依個牌寫住回頭係鳳園, 另一邊係鶴薮/平山仔.

 

燈鄧~~ 依度就係沙螺洞喇, 所謂的沙螺洞原來都唔係洞, 係一條村, 一條荒廢的村, 當然係令人失望到爆, 個個都以為係一個好靚的洞, 有流水等等..... 不過既然咁辛苦黎到, 都要睇下周圍的景色.

 

一些有趣的小植物

 

睇完喇, 回程影返依棵路邊的大樹.

 

重比我見到依條小毛蟲

 

因為行得太累, 除左姑姐, 我地都無行到去鳳園欣賞, 真係好可惜, 唯有下次吧.

之後就帶埋一早準備的食物去大尾篤搵爐bbq喇, o係野外燒野食, 真係有味道好多架!!

燒雞翼真係好好食呀!!!