7/3同奶奶一行6人去紅磡"金葉子"食自助餐, 任食兩小時都係$150位, 最重要依間食泰菜的地方, 食物水準真係掂, 款式又多, 8點前埋單重有85折, 絕對值得推介呀!
一個每2人附送的木瓜salan, 我平時唔食的, 但真係唔臭木瓜味, 重好鮮甜!
依條明爐烏頭魚, 平時出面食都要百幾蚊喇, 完全值回票價.
小食併盤, 樣樣都熱辣辣, 好好味, 特別喜歡個蝦餅, 炸得香脆彈牙!
依個蒜蓉青口, 好食到叫左2次.
豬頸肉就一般喇.
海鮮粉絲沙律, 無得頂, 同我平時出面食開的一樣咁好食!
依個蜜糖雞翼同併盤的雞翼唔同, 甜甜地又熱又皮脆, 正呀!
東陰公, 以前第2度飲過覺得唔啱自己口味, 不過依個酸酸地小小辣, 好易入口, 幾好味!
海南雞我就麻麻喇.
雞,牛,豬串燒都唔錯.
波蘿炒飯, 有水準, 內裡重有鮮蝦等材料.
佢重有多種飲品任飲...
我飲過椰汁冰同龍眼冰, 一樣咁正, 後者重甜甜地, 可中和食過的熱氣食物, 不過d冰多左d, 可叫少冰.
無骨鳳爪, 一樣有水準.
魷魚沙律就一般, 無咩特別.
試多個牛肉湯, 味道都好似東陰公, 特別在牛腩好林好好味道!
黎碟清炒芥蘭, 幫助消化.
大蝦粉絲煲, 雖然無o係泰國食過的咁多蒜蔥香味, 但都ok.
最後送的甜品, 最好食都係椰子西米糕.
今次依間真係好食又抵食, 只係試左佢3分1的食物, 下次都會再黎!
P.S. 當日的侍應服務好好, 得閒都會走黎問有無野漏單, 清理食完的碟又快, 重有人特別remind我地8點前埋單會有85折, 我地食左個半鐘已經飽飽, 所以都提早走, 今時今日咁o既服務真係值得一讚!
天氣潮濕到死, 洗衫都要長開抽濕機, 但我放森林家族的飾柜又可點處理, 早排聽同事講, 實惠賣緊隻可循環使用的迷李吸濕器, 有3個size, 我就買左中size, around HKD98/, 可抽120cc的水, 只須要用附有的電插頭叉一晚就可抽乾內裡的矽膠珠, 繼而再次使用, 真的合乎環保及經濟原則!
雖然外形較扁, 但放在再細少的空間就厭大了點, 另外細size的形狀係剛好2個放鞋內的鞋形, 實在好難接受放個鞋形的物體入我靚靚的飾柜內.....
上星期六難得肯早起身, 10點幾就去到美心金閣飲早茶歎報紙, 經濟唔好, 但都無影響依間酒樓的人流, 依然要等廿幾張飛至到我地, 無所謂喇, 依間好食d麻, 環境又坐得舒服d, 貴d都抵o既, 不過叫左9碟野, 埋單都唔洗百五蚊, 真係幾抵食!
夜晚去元朗新開的譚仔記食, 叫左個2餸米線, 蒜泥白肉 & 新彊香草雞翼
樣樣都真係幾好食, 黃生唔食辣米線, 但個湯已經好夠濃. 個新彊香草雞翼(葉)得好似食緊燒羊肉串咁, 好香口好好味. 重有個蒜泥白肉, 比我平時食的好食好多, 一大塊肥瘦均衡的薄肉片, 被一大堆生蒜蓉埋住, 加上內裡的小辣汁, 實在係我o既至愛!
森林家族日本官網又公佈有新成員同產品喇! 真係快趣得很呀!
今次的新家族係 - 橡果鼠家族 (ACORN MOUSE FAMILY), 眼看圖片膚色呈淡粉紅, 白色的咀臉, 棕色的耳朵, 有點似棕耳兔及樂園兔的混合體.
此家族產品會在日本4月11日發售.
另外還出了以公園遊戲設施為主題的系列, 一樣有創意和色彩繽紛!
以下遊樂場設施產品會在日本4月18日發售.
有滑梯與摩天輪的組合
會掉蘋果的FOOD COURT樹
在樂園行駛的小火車, 重有車站同燈欄.
重有空中小飛雀
同轉轉茶杯
小朋友入到依個公園實樂而忘返!
P.S. 我諗我未必會買晒所有遊戲設施產品, 始終都係o個句, 空間有限麻, 不過apple tree food court同acorn mouse family就係我必買之選.
