上星期六難得肯早起身, 10點幾就去到美心金閣飲早茶歎報紙, 經濟唔好, 但都無影響依間酒樓的人流, 依然要等廿幾張飛至到我地, 無所謂喇, 依間好食d麻, 環境又坐得舒服d, 貴d都抵o既, 不過叫左9碟野, 埋單都唔洗百五蚊, 真係幾抵食!
夜晚去元朗新開的譚仔記食, 叫左個2餸米線, 蒜泥白肉 & 新彊香草雞翼
樣樣都真係幾好食, 黃生唔食辣米線, 但個湯已經好夠濃. 個新彊香草雞翼(葉)得好似食緊燒羊肉串咁, 好香口好好味. 重有個蒜泥白肉, 比我平時食的好食好多, 一大塊肥瘦均衡的薄肉片, 被一大堆生蒜蓉埋住, 加上內裡的小辣汁, 實在係我o既至愛!
星期五唔訂枱都食唔到晚飯...
回覆刪除[版主回覆03/06/2009 00:45:00]我間係天水圍, 都算大間, 晚市生意亦無咁誇.
你真係好鐘意食蒜蓉喎 … 不過食完個口好大陣味, 第二朝起身連呼吸都聞到, 都好影響架 ! kakakkka
回覆刪除[版主回覆03/06/2009 00:44:00]haha, 依個問題自己都唔係好覺, 所以有你無你照樣食.
都係野食
回覆刪除流哂口水啦
[版主回覆03/06/2009 00:46:00]食指大動呢...
元朗咩野位置呀? 我下次唔駛去咁遠麻
回覆刪除[版主回覆03/06/2009 00:42:00]e, 你都係元朗人嗎? 就係千色店後面咋, 好易搵.
Delicious~
回覆刪除元朗嗰間譚仔記我食過一次，不過我覺得旺角嗰間好味D...我食3小辣咋，你呢？
回覆刪除[版主回覆03/07/2009 02:37:00]係咩, 等我下次都去試下先.
HAHA, 黃生唔食辣, 所以我都無得食, 不過我之前都食到小辣咋...