港城風味, Chips Republic

昨晚黃生想食好小小慶祝佢工作5週年, 不過放工已晏, 諗住想食早倫金剛小儀介紹的金潮小廚, 未搬舖時都試過一次, 但食物同味道忘記了, 不過電視報導後又係一堆人去排晒隊, 想拎飛時巴閉到叫我唔洗等無位喇.

算喇 , 無祈望下去左同商場的另一間餐廳 港城風味 

叫左個好型的鐵板乾蔥豆鼓雞, 好正好野味, 熱辣辣出晒煙送上, 最重要味道真係好野味, 雞嫩豆鼓蔥入晒味, 實在係無預期的驚喜.

本來想食椒鹽九肚魚, 但我次次食, 就讓黃生食椒鹽魷魚, 可能上一個餸太濃味, 依個覺得唔夠椒鹽, 魷魚唔un算新鮮.

埋單約$120/, 只食兩個小菜要依個價錢, 出街食真係越黎越貴, 但好味就抵返.

 

上星期一去左elements睇危機解密, 我成日覺得好似維基解密(haha), 題材特別, 不過我覺得效果一般.

睇戲前黃生帶我食我想食的 fish & chips, 因為威廉王子大婚時已經想食.

去左 Chips Republic 叫左一個餐, 味道唔錯, 加杯milk shake , 滿足!

價錢唔平, 咁都要around$60-70/.

京滬菜 - 仿膳

昨日同奶奶去拜山, 中午去左富臨飲茶, 之後去左好耐無去的樂富行街, 記得以前去得最密就係10年前抽居屋時, 上一次去已經都係幾年前, 咁耐無黎真係唔同晒, 雖然裝修款式新穎, 但都係一般連鎖店風格, 無左吉之島後, 變了UNY, 之後去埋九龍灣亦有一間upgrade的PIAGO, 睇o既野都係一樣, 係食店多d, 依家行街真係去邊都差不多, 無咩新鮮感.

到7點半, 去左仿膳晚飯食京滬菜.

千層凍豬耳 - 好味, 夠爽夠味.

 

醉雞 - 雖然我唔喜歡d酒味, 但雞真係夠滑.

 

餚肉 - 我無食過正宗的, 所以覺得ok, 但肉太碎, 真係似午餐肉. 唔似睇人食o個d 較多凍膠質. 

 

京醬海蝦 - 意料之外, 比賣相好食, 細細粒好爽口, 唔點醬更食到鮮味.

 

花膠海參翅 - 海參腥, 其他ok, 但已大大扣分.

 

糖醋魚 - 汁酸甜適中, 但魚塊皮太煙un, 亦(叶)得太濃味, 失了食魚應有的鮮.

 

燒鹿筋 - 應該係牛筋吧, 夠淋, 不過喜歡麵檔多d, 牛味真d.

 

瑤柱蛋白炒飯 - 炒得香, 但略咸了.

 

今晚主角 北京填鴨 - 好耐無食, 皮夠脆, 與肉之間的鴨油夠香...

 

粉皮有點厚, 連芹菜, 香蔥, 青瓜等包埋鴨片一齊食, 實在滿足晒我咁耐無食的希望.

 

罐湯小籠包 - 我無食, 已經太飽了. 黃生話ok wor.... hahahaha, 答案如是.

 

生磨腰果露 - 好欣賞的一道甜品, 好香好新鮮的腰果, 好想o係出面糖水舖都可以食到.

 

豆沙窩餅 - 太飽, 食得半件, 但煎得皮香脆, 豆沙夠甜.

 

是晚半席晚宴$1600-1700/, 食物有水準, 有用心煮成的食物.

chiffon dog sister and Israeli tomato

今晚去左元朗行街食飯, 經過生果檔見到以色列番茄, 重係一串串的, 又紅又靚, 買左半磅返黎食, 好新鮮番茄味, 唔腥, 因有時我會食到有d會腥架.

的的骰骰的以色列番茄, 心血來潮拎黎同雪橇狗妹妹合照

迷你壁燈

今日放工前做到個人好困, 放工同媽媽,嫲嫲等一家人提早去斎館慶祝母親節, 雖然忙完一日, 返到屋企見到心愛的森林家族, 好想玩下輕鬆下, 玩完真係開心好多!!

今次拎左上次買的迷你無線壁燈黎拍照...

 

依款燈係LED無線電燈, 玩得方便又慳電, 設計美觀及金屬用料, 好有古典味.

 

無外來燈光下拍攝, 好有night market feel, 燈光亦好強.

牡丹, 白蟬 . 花香撲鼻

上星期返奶奶家食飯前, 去了花墟買左札火白合比奶奶, 自己買左札有小小香味的牡丹, 花形同小牡丹好唔同, 未開時是一個波形, 開了外圍是一塊塊花瓣, 中間是不規則的花形, 好靚!!

未開時好似提子, 到現時只開了一朵, 應該可放多一段時間才開晒.

 

幾個月前已經想買白蟬, 可惜想買時已經過時, 今次一見, 已經記得佢濃郁香氣, 螺旋花影亦特別美.

盤菜貓2011

盤菜貓2011

特色菜 - 大中華

威廉王子大婚, 我就約左姑姐行街食飯, 其實都無關係o既... :P

行左陣太子, 就一齊去長沙灣大中華, 之前同奶奶食過一次, 今次再黎, 水準無變!

 

芥菜鹹蛋肉片湯 - 幾好飲, 有D似飲魚湯, 一樣有奶白色. (分左湯先記得影)

 

冰鎮青瓜 - 特別新鮮爽脆, 配wasabi 豉油, 似食日本菜, 特色只在冰鎮, 菜色其實無咩特別.

 

上次都有食的臘味煲仔飯, 上枱前攪混所有飯菜, 香熱野味, 重有飯焦.

 

圖中出晒煙的黑椒豬手, 枱枱必點, 黑椒汁淋上燒熱的鐵板, 香味同蒸氣四散, 完全吸引所以人目光, 切開大大隻的豬手, 肉好夠淋, 加上黑椒野味, 必食菜色!

 

蔥爆鮑片 - 個個一試, 好好味, 個汁爆得好有穫氣, 鮑片質感亦剛剛好, 唔會un, 感覺比上次食冰鎮飽魚更正!

 

開飯網多人推介的南乳炸鱔, 好厚肉, 配上南乳汁, 即刻令我同姑姐回想以前嫲嫲會在過時過節煮的南乳炸魚的一樣味道.

 

蒜蓉粉絲蒸扇貝 - 炸得香的蒜蓉配上好多粉絲, 扇貝就細隻左d, 但味道實在係好味! @$18/

 

豐富滿足的一餐, 水準依舊, 怪不得當日5點打去book要9點半先有位, 好在都無令人失望!! total HKD790/

第一次的大中華食評 (click here)