初嚐添好運

幾年前入圍米芝蓮的點心店 - 添好運, 終於有機會試, 其實今晚收工就去深水埗店, 可能熱潮已過, 唔洗排隊, 重有好多外國人來.

糯米雞足料夠味

香滑牛肉腸

 馬拉糕係我食過數一數二的, 夠蛋香.
燒賣亦係足料貨, 不過自己食慣實些少的口感

賽螃蟹春卷好香脆

 食到飽飽至來酥皮叉燒包

埋單只係$130, 價錢合理, 食物未去到超正, 但有水準, 食點心應該是這樣吧.

八麵玲瓏

好喜歡八麵玲瓏手造的上海拉麵, 煙煙韌韌配埋豬骨湯底特別正!

浴室小暖爐

終於買了個浴室用的小暖爐, 其實都諗左好耐, 黃生覺得屋企都已經有兩個暖爐, 不過有部係壞左少少開唔到最暖, 所以都已經好少用, 而且始終唔係比浴室用的, 總覺得沖完涼著衫個下真係好凍, 最終說服黃生.
用過一排, 優點真係好多, 暖就一定架喇, 10零度時開住佢絕對係恩物, 有時真係暖到會留係廁所耐D, 就算依家17度左右我都有開細細地, 其實怕凍的人真係有須要的, 再試過20多度時就可以開淨風, 雖然另外已裝有抽氣, 但熱天沖完涼著衫個一陣真係會出少少汗, 開淨風就剛剛好喇.
再講唔捨得買咁貴的浴室寶, 又或者睇過窗口式的暖風機, 有抽濕功能其實都唔平, 記得問過窗口式要2千幾3千, 不過廢事煩, 因為我晾衫係放另一個浴室, 所以一物不能二用比較浪費.
都係4百幾買依部小暖爐簡簡單單, 重點都係想暖姐, 原本睇暖爐時又係有些陶瓷暖爐又貴幾舊(唔怕吹乾), 但浴室本身濕氣重, 吹乾少少又有咩所謂, 係放多舊野係浴室阻少少囉, 但都OK o既.

戀物誌 - 兔子共和國

無意中發現依本雜誌, 最重要都係喜歡的兔做主題.

小小一本雜誌內都算多野睇, 送埋小撲克呢, 重有埋盒.

 彩繪都幾靚, 兔兔真係畫得好可愛! 攪到又有D想養添, 不過想下姐, 養什麼都好都要諗清楚先.

產品都有

童話點少得PETER RABBIT

戀物誌歷來的封面, 有些重有貨的可重新訂購

戀物誌在淘寶的網店, 產品都不便宜, 這本雜誌都有售, 但炒價要108人仔, 值唔值見人見志.

靚牛肉烏東sabu sabu@home

平時快靚正都會去吉野家度打邊爐, 今晚去一田買定靚牛同黑豚肉, 重有蝦滑, 日本南瓜(較甜),菇, 烏東同菜返屋企品嚐.

冬天都係喜歡窩係個sofa晚餐, 所以冷落左張飯枱好耐了.

要做吉野家的upgrade版, 當然唔少得個麵豉醬.

加上日式火鍋湯包做湯底, hosi~~!!

四喜冰室

最近開始食厭All day breakfast, 又轉返捧冰室, 去開九龍灣, 搵間就腳的四喜冰室食個常餐.

蕃茄牛肉麵, 其實都係用罐頭蕃茄,牛肉都幾多.

北海道3.6牛奶炒滑蛋及火腿 配厚切牛油方飽烘底, 其實都唔係厚切吧, 但都算OK.

Jackie tea set

最近想在家high tea, 見到Jackie出了款好靚的茶具, 祈待下次開光.

之前買的Jackie叉羹,喜歡仿木紋.