晚飯 - 老地方, 新阿宗麵線

上年倒數時, 離開銅鑼灣去了無咁多人的灣仔(克街), 搵了間無咩人的老地方餐廳, 隨便叫了份花旗雞扒餐, 比想像中好好味, 炸得塊扒皮脆肉嫩, 重要加隻太陽蛋, 有趣...

上兩個星期12/4 拜完阿爺後, 晚飯又去了這間餐廳, 雖然感覺無上次咁野味, 但都唔錯.

下面這份西冷牛扒是黃生的, 但就真係麻麻啦.

 

 

如去過台灣的人都會知道有間好出名又好好味的阿宗麵線, 同事通知荃灣有間人地拜師學藝後返香港開的"新阿宗麵線", 所以在上星期五18/4, 去了位於荃灣路德圍的店舖試試, 其實都知不可同台灣的比, 但食後就真係一次就夠, 最重要唔夠熱, 味道算一般, 此刻真係好想再飛去台灣食正宗的阿宗麵線呢.

上openrice有人話鹽酥雞塊好味, 但只食到炸粉, 雞肉得小小.

 

P.S. 另外上次去旺角時見到在 "旺角洗衣街109號皆旺商場地下B舖" 有間新開的阿土麵線, 眼見有人拎住碗出晒煙的麵線, 可惜約了人晚飯, 唯有下次先做試食員, 希望有驚喜啦.