星期五在IKEA, 黃生買比我的禮物, 今日星期日終於送到, 咁大件, 要搵師父砌比較好...
睇住師父一件一件裝磡...
話咁快就裝埋門...
好快趣就大功告成, 我的禮物就係依個之前都介紹過的display櫃啦, 亦係放森林家族的第二個display櫃, 因為之前的柜已飽和, 所以有這個柜放我的森林產品, 真係好開心呀!
未放森林子民, 就比阿仔入去巡下先啦.
兩件貓擺設, 係咪好靚呢!
一過12點就有生日蛋糕食, 好好味呢!
我的願望就係希望一家四口開開心心, 身體健康!
切蛋糕期間 haven & hugo 在廚房門口等食, 不過朱古力唔啱你地架.
唔好咁望住我啦, 最多今晚比濕糧你啦.
Happy birthday, 靚靚!!!
回覆刪除終於都買咗呢個柜呀！
Forest Restaurant @jp auction: - go, check, check!!!
http://page6.auctions.yahoo.co.jp/jp/auction/f70270973
[版主回覆07/28/2008 12:33:00]thank u so much!
係呀, 其實個柜最初都係介紹比blog友, 點知依家黃生買埋比我做禮物都真係好開心呀!
thanks for your auction link, 但我依排咁大洗都要慳d啦.
wah!生日快樂呀! vicki!!
回覆刪除哩份一定係收過最開心的禮物呢~~~
原來ikea個櫃都拍得住你個飾櫃咁大wor!~~
[版主回覆07/28/2008 12:36:00]係呀, 我記得上年收oakwood manor house都好開心, 今年收的禮物我諗都係size最大份啦 , 個柜都真係同我舊的display 櫃差不多大, 只係內格有限制, 所以平成半.
生日快樂 vicki
回覆刪除呢個櫃會擺SF ? 快D擺好佢地再影多D相俾我地睇啦 ! (心急中)
[版主回覆07/28/2008 12:44:00]多謝呀chrislin!!
唔記得講聲, 多謝埋阿sue先!!
其實依個柜內格因為有限制, 所以主要會放d唔太大件的sf, 同埋放零碎的sf物件& display set, 不過放好左都會影張相比大家睇的.
生日快樂!!
回覆刪除似乎你其中一個心願都達成左啦喎 希望你其他心願都能一一好快達成啦
哈哈....講起櫃我記得前幾年我都收倒個宜家傢俬o既櫃做生日禮物呀當時我真係好鍾意架...但好可惜可能我放d野太重所以中間d板變晒形不過我諗你哩個應該唔會o既一來你哩個應該實淨過我果個(我果個只係d幾百蚊貨仔 但個款我真係好鍾意)二來你放都係d玩具應該唔會 太重而令佢變形o既
[版主回覆07/29/2008 15:47:00]多謝呀小其!!
haha, 我太多願望, 太多野想買, 不過收到依份禮物都真係好開心呀!!
其實我之前在ikea買過個電視柜, 都係太重, 腳架受唔到咁重力, 而令上面的版彎曲, 不過之後唔要腳架就無問題啦.
我個display櫃放森林家族唔會好重, 所以應該都無問題的.
收到咁大份生日禮物真係開心死啦........
回覆刪除[版主回覆07/29/2008 15:49:00]都真係我收過最大份的禮物啦, 除了層樓之外...
生日快樂呀!! 我地既生日日子都好近wor~~~ 你就好啦, 有咁大個櫃..我都好想有呀~~~ 好羨慕!!!~
回覆刪除[版主回覆07/29/2008 15:51:00]多謝呀小欣!!
我諗你豪哥一定買份你喜歡又有意義的禮物給你的, 所以唔洗羨慕我啦.
生日快樂呀！vicki！
回覆刪除呢份生日禮物收到時開心，日後將 D 心頭好放入去時也開心，得閒欣賞下亦開心 ..... 呢份禮物真係好好呀！
[版主回覆07/29/2008 15:52:00]多謝呀甜甜貓! 你講得真係好啱, 點用個柜都一樣咁開心呢!
Happy Birthday!! 見你又有個咁大個 display櫃放SF, 真令人羨慕!! IKEA這個櫃好似真係好啱放SF, 貴嗎??
回覆刪除[版主回覆07/30/2008 09:38:00]thank u so much Kat!!
其實我之前都有介紹過, 諗住介紹比大家的, 因為真係唔係貴$2490, 不過未計送貨同裝磡(我另外重買了兩條cd架, 加埋的送貨同裝磡費都只係around$400), 當然質料只係一般同埋內裡間格擺位有限制, 但相比我之前造的display櫃都真係化算好多呢.
而家我有兩個display櫃真係好足夠啦(暫時), 就算第時唔夠都無位再放多個咁大的櫃lor...
links here
兩件貓擺設好正呀~~~
回覆刪除遲來的生日快樂~~~
[版主回覆07/30/2008 15:41:00]有心唔怕遲, 好多謝小丁你呀!!
多謝欣賞我的貓擺設呀!
唔知你的布偶貓大計有無進展呢?
happy birthday!!
回覆刪除[版主回覆07/30/2008 15:42:00]thank u so much!!!
點解覺得你成日都買櫃...
回覆刪除[版主回覆07/30/2008 15:45:00]櫃真係一件可以好好收藏心愛物品的東西, 雖然我買左兩個大柜, 但我諗都無可能再增添啦, 如果細個d就ok o既, 不過細個都放得唔多野呢...
生日快樂 !
回覆刪除