抵讚的"小菜王"

死心不息, 1/8又去搵左間好出名的大排檔食小菜, 去到深水埗 "小菜王" 見到煮食的地方在舖外, 依然保住特色, 但最好的是, 9成的坐位都是在有冷氣的舖內, 而且地方出奇的清潔, 真係食得特別舒服, 只係地方當然比較噪.

 

我要食混全香港的 "椒鹽九肚魚", 講笑姐, 只係太喜歡了, 所以次次都會order.

上次食過兩間都失望而回, 今次就真係食到好野啦, 夠新鮮, 重炸到連骨都可以食埋(因為開邊炸), 真係好耐都無試過啦, 我一路食都真係一路講, 真係好好味, 好滿足! 連唔好此食物的黃生都食左幾舊. around HKD45/

 

等位時, 聞到碟蒜蓉蒸勝瓜好香, 味道都一樣唔錯. HKD30/

 

依個雜錦併盤要HKD120/, 雖然唔平, 但真係有水準, 樣樣都咁好食, 尤其係最上方的"百花小棠菜"(希望無記錯名), 係小棠菜加墨魚煮成的, 諗返都想再食.

另外還有, 炸大腸(炸得外脆內軟, 正), 墨魚餅(幾好, 不過有百花小棠菜已足夠), 豬頸肉(一般), 菠蘿, 重有四種汁比你任點.

 

莎拉骨, 都係水準之作. around HKD45/

 

總括係非常滿足!!

 

P.S. 當晚8點幾去到, 足足等左成粒鍾, 等位得到發晒夢, 比著平時我地走硬, 不過又有d心機等, 而且真係好想試, 到有位時個帶位重好幽默講: "你地真係好野, 咁有耐性, 真係寫個服字." 咁好口, 而且食物有實力, 抵佢咁好生意! (埋單HKD260/)

不過下次去真係要試o下book位食, 但聽到好似都要等的.