22/8鸚鵡來臨, 都算來得合時, 因前一晚有D輕微感冒又去睇醫生, 藥力發作須要睡眠.
記得星期四晚已經十分留意颱風情況, 想第日安心休息, 但天氣消息指清晨時段改發8號風球機會唔大, 到了星期五一早, 黃生平時都係6點幾就起身, 話只係3號風球咋, 我聽後失望咁諗住瞓多陣就要起身, 點知黃生擦完牙洗完面, 成個醒晒後再同我講天文台又話會在8點前改發8號風球啦, 聽後總算覺得掛得合時, 可以繼續大覺瞓啦.
hugo視察戶外情況. 雖然鸚鵡掛到９號風球, 但日頭街上都算風平浪靜, 風唔大, 雨亦唔多, 如果唔係食左藥, 我諗會去睇埸戲.
到左夜晚, 鸚鵡開始吹到wewe聲, 攪到hugo同haven都要望住窗口睇o下發生咩事.
啲風大到吹到大廈左搖右擺, 搞到我食唔到嘢又頭暈.
回覆刪除[版主回覆08/24/2008 01:24:00]唔係化, 你住咩大廈會左搖右擺咁危險架!!
你隻貓好cute
回覆刪除[版主回覆08/24/2008 22:55:00]thank you!
星期五嗰日,我房嗰窗門吹得好出!好驚啊!!!
回覆刪除[版主回覆08/24/2008 22:57:00]係呀, 真係好大風呀! 好在無事咋.
嗰晚好大風呀 ! 吹到D窗、門郁哂, 我都有D驚呀 !
回覆刪除[版主回覆08/25/2008 23:27:00]好在我依邊無吹到門同窗, 但出面都吹到wewe聲架.
我果日就好開心啦~~哈哈哈哈~~
回覆刪除[版主回覆08/26/2008 13:11:00]有錢搵呢.