13/9中秋前一晚特登去沙田行下街, 因為前幾日已經返晒mama 同奶奶屋企食中秋飯, 所以幾日假咁多, 又無約人, 一於出去逛逛.
到了一田的food court, 今次試下食Marion Crepes的pancake, 因為貪心, 叫左個有香蕉,雪糕同cheese cake的pancake, 味道ok, 其實都係口痕痕想試下.
叫個set有埋綠茶, 綠茶味夠濃夠甜, 唔錯.
表妹知我去沙田, 所以都去左沙田行街, 各自行完夜晚本來一齊去大圍"小肥牛"打邊爐, 點知7點半去到話要到10點半先有位, 有無攪錯, 姑丈提意去尖沙咀食"有骨氣", 反正我同kathy表妹都只係想hot pot, 一於去食, 之前都食過, $98任食, 一樣有我喜歡的手打四寶丸等等, 食完一樣滿足!
另外想講講, 早排腸胃炎, 之後好返小小, 中秋前一個星期同同事bbq, 亦食返我至喜愛的薯片等熱氣野, 但就係驚再痾唔敢食生冷野中和返, 攪到中秋前兩日開始個口內熱氣到腫左, 比牙磨到d肉損埋, 可想而知食咩入口都係幾咁痛苦, 特別食d有濃汁的食物真係痛到想叫, 就算食普通野, 個口痛都係一路食一路扮無知覺, 食完先算... 放假前一天, 同事介紹我用 "雙飛人藥水", 真係無介紹錯, 我真係好努力咁搽, 一個起碼4-5次以上, 得閒就搽, 捽知搽左兩三日已經好得7788, 包括我隻手指, 都真係一日睇住比一日好!
話說回頭, 記得早排開始的發燒, 腸胃炎, 手指同個口, 真係好黑, 亦都受夠, 唔好再折磨我啦, 唔想再有黑氣跟住我, 好運唔該快d黎呀!!!
香港人好奇怪, 大熱天時鍾意BBQ同打邊爐, 唔通好味啲？
回覆刪除[版主回覆09/16/2008 13:40:00]時代唔同啦, 依家香港人打邊爐真係一年四季都得架, 就算大熱天時, d舖都可以開大冷氣比人對住個爐, 真係一d都唔熱架.
但bbq都係天氣涼d比較好lor. 早排我去同事屋企bbq, 係熱架, 不過夜晚o係天台, 燒完就入隔離冷氣區, 都ok啦.
呢個pan cake真係幾好味呢 ! 有時我都會去食架, 嗰杯綠茶就麻麻, 唔係我杯茶囉 ! kakakaka ~
回覆刪除你話 $98 任食, 好似好抵喎 ! 遲d冇咁熱我都去試下先得 !
仲有呀 ~ 你好大可能係熱氣, 快d食盅龜岭膏啦 !
[版主回覆09/16/2008 15:14:00]pancake都ok, 耐唔耐試都好架.
依家咁熱hot pot都無問題架, 佢開大冷氣, 所以一d都唔熱架.
你講得無錯, 我都諗住要去食盅龜岭膏呀.
反而我好想去太古城個food court食野呀, 裝修完一次都無去過~
回覆刪除下次我地不如約出去九龍城打邊爐呀, 有幾間都好正ga
[版主回覆09/16/2008 17:20:00]太古城對我黎講真係比較遠, 同將軍澳一樣.
梗係好啦, 我好喜歡打邊爐架, 我都想去九龍城有d出名的舖, 記得suesi wong介紹有間"輝哥" d牛好正架, 好想去試呀!
下次一於去啦, 不過明天我地都聚會bor, 但阿sue做完小手術, 出到黎唔食野啦, 我地去我之前介紹的深水埗"小菜王", 或是你有無好介紹??
Delicious
回覆刪除[版主回覆09/17/2008 10:09:00]打邊爐真係好正呀!
講起打邊爐我最愛吃炸魚皮同大波波(生根)因為原本熱氣唔食得o既魚皮經過一滾即係唔熱氣食得正呀 而生根一淋左就索晒d湯/汁正呀 諗起都留口水添
回覆刪除[版主回覆09/17/2008 10:08:00]haha, 生根都係我的favorite, 我又係好鍾意滾到淋時, 佢有埋好熱的湯汁, 真係超正呀!! 不如今晚又去搵間打邊爐lor...
好正呀,我都好鍾意果D班CAKE
回覆刪除[版主回覆09/17/2008 10:09:00]我諗你同家姐一齊整, 一定無難度.
嘩...輝哥超貴呀~不如我地去蔡生成日去果方榮記呀~ 平靚正^^
回覆刪除