應小其要求, 影我放o係公司的小忌廉比大家睇, 順便影埋公司枱上的雜物, 咩都有d, 就係無森林家族, 其實想拎d返公司擺, 不過張枱又唔係大, 太多野我會工作得唔舒服, 要擺都要執執先.
下面依d就係我公司的小擺設, 係咪咩都有d呢, 其實都係我除了森林家族外喜歡的卡通人物或玩具, 左起有小魔女琦琦, 小B女, 有hugo張相, 無haven的, 因為遲遲都未晒相and未搵到心議的相架, 格離有史力奇, 怪獸公司的阿bu, 又係小B女, 小忌廉&小桃, 幾米的月亮忘記了(特別版), 外星小美兒, 重有最耐歷史, 中學朋友送的香珠布丁狗兜兜, 依家重用緊, 用黎放萬字夾.
而mon.上的都係舊同事送的手信, 相中左邊的tray重有d電話繩手信, 影唔到算數.
依邊的都係手信區, 個靚靚黃色鐘自己買的, 個bear係ups送的限量bear.
依個就係小忌廉同小桃的食玩喇, 小忌廉重拎住小星環架, 真係好靚亦好可愛架.
你公司嗰位都唔錯啊~~
回覆刪除[版主回覆09/27/2008 13:23:00]其實都真係OK架, 我有張枱, 右邊重有張窄枱, 即係L字枱, 不過都係啱啱夠用咋.
個公司嚟咗新老細, 要我地著晒suit, 枱面唔好有公仔喎...
回覆刪除[版主回覆09/27/2008 13:26:00]唉! 有d公司就係咁, 懶有規矩咁.
come in my blog~
回覆刪除[版主回覆09/27/2008 13:27:00]ok
我以前有一間公司個office 都唔俾放公仔, 個老個仲話 : "喂, 呢度唔係你屋企呀！"
回覆刪除車！好叻咩！我唔做tim 呀！
[版主回覆09/27/2008 13:27:00]haha, lulu勁, 果然有性格!!
首先多謝你為我而特別寫哩編blog先
回覆刪除你公司個位都幾有屋企o既感覺喎我諗你對公司都好有歸屬感定啦...
因為我曾經都有諗過好似人地咁拎好多自己鍾意o既擺設返公司個位擺架但自已又成日諗自己唔知會唔會做得長如果一日要離開公司時帶咁多野返去咪又排拎返屋企況且我公司d人好多手架...怕佢我唔喺公司時佢地攪我d野....所以最終都只係放左好少即使係都係d佢地送比我o既野放返喺公司囉
[版主回覆09/27/2008 13:35:00]我o係依間公司都做得幾開心架, 同事都好好, 所以都有歸屬感的.
其實我都真係唔多啦, 我partner張枱d公仔, 真係多到佔左張枱3分1呀, 死未, 公司有admin.話過佢架, 不過佢採佢都傻, 最重要老闆都無反對, 因為佢個仔重擺到公司有d地方都有佢的玩具lor...
嘩 ! 你公司張檯擺咁多野既 ? 我公司張檯好細, 好少有咩擺設野放喺度架 ! 哈哈 ~ 其實好多公司都唔俾放公仔架 !
回覆刪除[版主回覆09/27/2008 13:37:00]其實我都真係算少, 不過我都明白有好多公司都懶有規矩, 一d自己都無.
我以前公司都有客到來巡下四周環境，Director 下令不可放裝飾品呢．話唔專業及影響公司形象啊． 唔放都好，不用染塵呢!
回覆刪除[版主回覆09/27/2008 13:39:00]其實咁專制, 咪令公司形象更差, 員工又無歸屬感, 長遠都係令公司利益損失!
其實我邊有咁型呀, 只係一次為咗好少嘢同老細撐到好"行", 我覺得自已冇做錯, 梗撐到底, 佢懷恨在心睇我唔順眼, 鬧到冇嘢再鬧, 竟然出memo 話我要拎走晒啲公仔, 佢睇死我唔會resign, 我把幾火, 就即日俾信佢唔做。佢最初以為我玩嘢, 仲諗住留我加我$300 蚊人工, 我份人就係咁, 話走就走, 想用$300買起我嘅尊嚴, 我睬佢都傻！
回覆刪除[版主回覆09/27/2008 14:22:00]做得好呀! 唔係個個人都可以咁燒灑, 佢越睇死你唔得, 就越要比佢知, 我又唔信出面搵唔到第2份工!