love to listen JASON MRAZ lately, music & sound also great !!
我係度估JASON咩樣時, 黃生話佢可能就係封面咁o既樣... ha
Ohzz 原來都唔差...
MAKE IT MINE
I'M YOURS
2008年10月31日 星期五
2008年10月30日 星期四
2008年10月29日 星期三
我家雪柜
睇完人地o既雪柜, 一於睇返自己個雪柜有咩分別先.
最喜歡買左個高過自己的雪柜, 擺多d野都唔怕好快無位.
雪柜外, 習慣貼每去一個地方旅行在當地買的磁貼, 另外有些是食物送的, 還有小相架, 貼紙相... 基本上有磁力都貼上去.
特別喜歡一家四口的小相架. 重有我好鐘意食的卡樂B磁貼.
好喇, 睇睇裡面有d咩...
有幾種生果, 食得多健康多!
一堆乾貨, 真係太耐無打開, 所以都廢事拆開黎睇係咩.
各種凍飲要黎招乎黃生, 因為飲得最多都係佢.
**毒奶出事前, 我已經係飲無三聚氰胺的維記奶的, 其實係貪平.
一堆食左一半的零食.
麵包良伴 (except salad), 不過我多數都係煉奶揸麵包.
為免潮濕, 沖飲濟都係放雪柜.
一咋醬料, 擺多過用.
有D重過左期好耐tim呀, 真係儲黎做標本.
我都有m記醬汁, 重有d不明物體, 又係廢事拆.
到下格喇.
有假日的早餐, 另外有小紅椒, 菜檔d人教我放冰箱, 可以用好耐都得, 依d起碼有半年, 重保存得好好.
甜品篇, 雪糕雪條一定有, 以免口痕無得食, 另有蛋糕, 點心
*有包早排食冰皮月餅的乾冰(左上方), 係都要留底又唔知要黎做咩...
餃子, 水餃, 冰鮮雞翼, 加拿大牛扒, 還有帶返工的波仔飯.
總括我屋企都係即食文化, 煮得快靚正就最好, 所以好多食物都可以隨時煮隨時食, 唔洗煩.
人家雪柜
上星期o係集成中心, 見到有個人家的雪柜展, 初頭睇都無咩特別, 不過睇下睇下就越黎越過引...
佢有報導港九新界, 人家雪柜裡的秘密.
帶你逐格睇人家的雪柜有d咩.
依個雪柜係天水圍玉梅姐的...
m記d醬料真係耐唔耐都會有包係屋企.
雪柜真係一個好神奇的地方, 你可以咩都放入去, 重有佢背後的故事先抵死攪笑!
依個睇完真係笑左出黎!
雪自己愛人入雪柜...
奶咀可以做紀念, 不過洗唔洗擺埋入雪柜...
睇見其他人雪柜裡的東西真係千奇百怪, 一個小小的密室, 竟然有咁多意想不到的秘密, 雜物亦好似不知不覺咁埋藏係裡面.
後記: 其實我覺得香港人都真係好少清潔同清理個雪柜, 好似覺得佢係唔會污糟, 亦覺得佢係多啦A夢個百寶袋咁, 一係放咩都得, 一係要咩有咩, 還有自動清洗工能咁, 但其實睇真d, 你每日放咁多野入去, 佢唔污糟唔爆就奇喇!
2008年10月27日 星期一
LAST DONUTS
記得我剛在上一篇已經post過依張相吧.
今日收到消息krispy kreme除了機場分店會營業到月底外, 市區門市已剛剛全部結業喇!
雖然我覺得佢甜得有點過火, 亦因為咁外國人先咁喜歡, 引致個個食到超肥, 但甜就係佢的特色.
點講結業都有點可惜, 幸好我地在前一刻都有機會品嚐到Halloween 的特別版, 算係一個美好回憶吧!
I'll be missing u!
2008年10月26日 星期日
九記, shake'em buns, irelands 瘋薯, 哈老喂donut
今日條腿特別累, 因為昨日一早便去了華人永遠墓場拜阿爺, 一向唔想正日同人逼, 所以都會遲多排先去. 如常買了小花, 阿爺生前喜歡的維他奶, 重有 女麻 女麻話爺爺喜歡食的豆沙餅去拜祭, 天氣很好, 剛好涼了些, 出到去有太陽, 好在亦有大風, 傾了一會兒便返回上環.
剛好落車見到永安門口逼晒人, 原來大減價, 買了個Tefal 28cm平底穫, 都幾平, 只售$198.
o黎開上環, 一於要去試下九記牛腩, 我地去到時都唔洗等, 走時竟然見到排晒長龍, 真好彩!!
好彩的我們, 黃生食牛腩伊, 我食牛腩河, 大家都覺得牛腩有牛味, 而少食伊的我, 試過都覺得幾好食.
另一奇境, 係九記對面, 阿so介紹的大排檔 "勝香園" 都一早大排長龍, 依d咪明星效應lor.
食飽飽, 就同黃生去灣仔巡168, 不過我在集成中心等佢, 之後再去cwb, 當然係去sogo巡舖, 可惜又係零收穫.
行完一倫, 最後去左shake'em buns, 叫左cheeseburger, milk shake, pop corn chicken & fries, 樣樣都咁正!!
係貴D, 不過真係我食過最好食的漢堡飽, 牛肉真係好juicy, 有種食完一啖想再即刻食第二啖的感覺, 一定再返兜.
另外前一晚同黃生去旺角拎傘, 係成年前o係the overlander買的, 無單去repair都可以, 重唔收錢tim, 服務認真抵讚!
當晚晚餐係我最鍾意的周圍掃街, 先掃上次介紹過好好味的小丸子, 再過家樂對面, 竟然旺角都開埋Ireland"s瘋薯, 唔洗諗, 即刻排隊簡左款cheese味, 反而覺得一般, 可能cheese好快乾成一舊, 但薯條真係炸得好好味!
食完薯又去埋肥姐度食兩串細墨魚同紅腸, 黃生唯一話好食的就係佢. (photo by openrice)
最後再去krispy kreme食兩件 halloween donut, 甜爆!
睇haven個得戚巴閉樣.
訂閱：
文章 (Atom)