潮客, 維記咖啡粉麵

昨晚星期六, 同姑姐去上水潮客食飯, 食物ok, 服務好好, 食得亦舒服, 亦多謝姑姐請客呢!

先黎碟鹵水拼盤, 味道ok, 如切鵝片更好.

 

唔好以為咁快上甜品, 其實係龍蝦湯蟹皇翅, 唔腥, 料足, 只係蟹粉味唔夠, 但整體唔錯.

 

kathy表妹食得投入!

另外佢地送了揸豆漿, 真係好正, 味濃, 只係有微揸, 唔夠滑, 但都好味!

 

炸兩味, 唔記得係咩, 只記得右邊係有芋有蝦, 夠脆夠香口, 正.

 

雪花蚌雜菜煲, 煲得略老.

 

炸得又脆又香的南乳雞, 夠入味!

 

鮑片香菇生葉, 個汁埋得好, 鮑片, 生葉都入味.

 

到食甜品, kathy表妹話好好食的芒果布丁

 

我食的楊枝金露, 足料, 芒果亦夠甜, 味道唔錯, 只係始終唔夠糖水舖的好食.

 

總括食物質素ok, 味道ok, 服務就好好.

 

再前一晚10/10, 同黃生去了深水埗逛逛, 終於試食維記咖啡粉麵, 黃生食招牌的豬潤麵, 差不多成枱人都係食依味, 我不嬲唔食豬潤, 但都想試試, 點知都係無變, 食唔到d腥味, nur都nur唔切, 不過黃生依然話好好食!

 

咖央西多, 無咩特別, 同平時食的西多差唔多, 但都係喜歡西多的花生醬多d.

 

到我食的香腸牛肉米, 牛肉唔un, 其他都只係一般材料, 但主角其實係個湯, 真係好好味, 完全係精華所在!!

$60/埋單, 抵食抵讚!