Domon札幌拉麵 & 小雨天

6/10 放假的前一晚, 放工同黃生去食荃灣的Domon札幌拉麵, 都係choi san推介過, 但又冒住比人勁話唔好食的危險, 終於都係決定去試, 最多咪一次咁大把.

去到睇到個menu都眼花花, 最後都係決定叫個2人set, HKD188/加一, 但我帶埋新假假的9折coupon, 等於打個和.

有三文魚, 海腦, 章魚刺身, 都算新鮮喇.

 

普通拉麵, 有一塊好林的叉燒, sell係北海道的拉麵小左d, 但真係幾好食, 湯底都不過不失.

 

餃子皮薄, 味道淡左d, 但都ok

 

黃生的豬扒蛋飯, 我無試食, 但佢話ok

 

haha, 到我最喜歡的雞軟骨, 炸得夠香口, 正!

**總括, 都無人地講到咁難食, 味道都算ok啦, 價錢人地厭佢貴, 我就覺得貴小小啦, 但都可接受的. 試食無防.

 

食完後去了千色店巡舖, 出奇的無折都好多女人o係度睇森林家族, 無收穫的我就諗, 唔知佢地係咪睇得我地blog多, 所以咁多人都有興趣買呢.

 

 

 

黃生o係葵芳工作, 我在荔枝角, 所以都會成日join佢食晚飯, 食過好多次"小雨天", 佢出名食米線 / 泡飯, 價錢又經濟, 所以我耐唔耐都鍾意去食.

次次都鍾意叫蠔仔肉碎泡飯, 奇怪我以前唔喜歡食蠔仔, 但佢細細隻, 無咁重蠔味, 湯底係主角, 夠味同特別熱騰騰, 出晒煙的, 冬天食更加正!

小食叫左蒜泥白肉, 即係平肥瘦豬肉, 我叫走辣, 因黃生唔食辣, 但我會自己加返d, 好食好多.

 

例牌會叫椰菜餃, 因唔喜歡韮菜, 味淡小小, 但食慣左, 所以次次都order.