大中華 (十分推介)

昨晚提早同奶奶食生日飯, 同事成日話荔枝角有間大排檔格局的小菜館好食, 就去試試喇.

早一日打去book位, 竟然同我講話爆晒無晒位, 要到9:30先有位, 一係早d 6:30到, 重要7:30交枱, 其實最後都無迫我地交枱o既, 好喇, 咁就決定左去.

同事推介必食"黑椒鐵板豬手", 一黎熱氣香濃黑椒味已經傳入我鼻, 豬手本身已經炆林, 唔須要用力已經可以切開, 奶奶一食已經話好食, 其他人當然都有同感, 我覺得黑椒野味, 加上炆得夠林的豬手, 無得彈.

 

有時我會怕食聖子, 因為好易煮到un, 但依個不但夠鮮肉彈, 上面的粉絲重好食得不得了, 記得剛在小菜王食略厭乾身, 但依個真係比到我欠缺好耐的滿足!

 

"冰鎮鮑魚" 又係同事推介, 果然好鮮重好似食緊刺身, 不過一點都唔平$55/隻.

 

枱枱都order的 "臘味煲仔飯" 上枱即刻煮埋比你食.

油係多左d, 不過都ok喇, 個煲燒到d飯同臘味剛剛好, 再將大量蔥加入攪混, 食落不止香, 重有飯焦.

 

影漏左沙薑雞腳, 本來無咩特別的小菜都值得一讚, 因為用上新鮮雞腳, 令人感到老闆選材新鮮的細心. 當晚重見到老闆6點幾先帶新鮮材料返舖.

 

最值我推介的就係依碟 "麵鼓萵頭蒸魚頭" 本來用第2樣野蒸, 不過無晒, 老闆娘推介咁蒸黎食, 初頭話有d酸, 我怕酸味會浪費左個魚頭, 點知一黎到, 真係我最喜歡的一味菜, 可以講重好味過鼓汁蒸多多聲, 其實佢唔酸, 兩種主要材料混合一齊味道係perfect match, 少少甜的麵鼓味加上已經唔覺酸的萵頭, 絕配!

 

雖然地方係殘舊, 客人太多令上菜時間慢得令人發呆, 但依間舖咁好食真係有佢原因, 並唔係純粹明星效應, 最欣賞佢保持到應有的水準, 食物味道亦令我驚喜. 一定會再去食!

tips: 想食請提早訂枱, 否則我見到有人黎到都無枱無得食. 魚頭要提早訂定.