5月晚餐

5月時用手機拍底過的晚膳...

山頭火 (tst isquare) - 當晚大堆日本人去食, 一定有質, 叫左個麵豉味同醬油味, 前者開頭都幾好味, 但食多陣真係覺得幾溜, 正宗日本麵係咁架喇, 麵質同味道都有水準o既.

 

元朗廣場3樓的 銀咖哩, 一見個餐牌幾平wor, 舖仔細細又扮晒日本格局, 一於入去試試.

即叫即煮, 食物炸得熱辣辣, 咖哩真係似日本的甜甜地, 知道重可以白飯任裝...

 

蝦天婦羅見到都知好味, 炸粉夠脆, yummy! 成個set都係大約$50/ 最重要係d 十零廿歲的o靚仔o靚妹員工, 真係好抵讚, 見得到佢地好有熱誠做佢o既工作, so, 一定會再幫襯!!

 

陪黃生去深水埗食 維記 - 豬潤麵, 我唔食豬潤, order左個腿牛米, 牛肉就鞋加un, 不過個湯真係最正, 精華所在!

 

朋友話正宗越式連鎖店 - PHO24 (沙田店)

生牛肉米, 本來order河但黎錯左, 是但喇, 都唔錯, 但食過最好都係越棧.

 

牛油雞翼, 都算幾好, 不過又係食過最好始終都係銅鑼灣的 "清亭燕萍".