剛剛放工去左TST買野, o係厚福街唔知食咩好, 見到有間潮點, 都未試過dinner食點心就入去試試喇, 裝修新穎的點心餐廳, 坐得算幾舒服, order左5籠點心;
章魚肉餅飯 - 真麻麻, 一黎我唔好飯, 2黎唔夠豉油. 連黃生今次都批評話: 章魚無章魚味, 肉餅無肉味, 飯亦硬倔倔.
奶黃包 - 平平無奇喇, 可能不是心目中想食的流沙黃.
黑椒豬肚芋絲 - 好香的點心, 精髓在於黑椒, 令泡在汁內的豬肚及芋絲都特別野味.
蝦餃 - 蝦新鮮彈牙, 皮可再薄些.
鵪春蛋燒賣 - 好多年未食過喇, 好想食鵪春蛋好耐, 平時見小販檔都好想買黎食, 不過又怕一個人食咁多唔健康, 而且一隻鵪春蛋比雞蛋的膽固醇更多麻...... 講返今次食的鵪春蛋燒賣, 唔知係咪太耐無食, 覺得好好食, 鵪春蛋底下的肉吸收左好多精華, 食落更香更有肉味.
26/5星期四晚提早同爸爸慶生食飯, 因為爸爸工作同住處都在大埔關係, 食飯都唔會去得遠, 本來又去東江雞的, 最後妹決定改去食咪走雞.
一黎半隻咪走雞, 好特別, 熱騰騰起晒泡的上枱, 大家睇到wawa聲, 有沙薑味, 我食左件雞胸有些韌, 但味道幾好的, 其他人都幾喜歡.
baba想食的菜甫蝦人炒蛋, 味道不錯, 蝦亦新鮮彈牙.
我兩姊妹必order的椒鹽九肚魚, 依間都不錯, 炸得外面香脆內裡肉滑, 唯一係魚瘦了點.
薑蔥枝竹爆魚雲, 幾野味, 尤其煲底的枝竹, 佢算煮得ok, 不過依味魚因包左粉再炸, 令饌魚頭時比較困難, 部份魚肉會容易煮散, 寶物就要尋煲底喇.
西蘭花炒斑球, 斑球肉厚, 正!
咕嚕肉夠酸甜, 不錯!
是晚食咁多野只係大約$400/, 算抵食, 食小菜只須加$10/就有明火湯同飯, 食物都有水準的, 可是餸菜份量細份, 5人食總算剛剛好. (媽媽另外食素)
依家食店一係加價一係減量, 相比以前總覺得被騙似的.
想買wii game好耐, 但又唔知邊隻好玩, 睇左一排先發現有隻wii party, 原來出左差不多成年喇, 最正係佢有80種mini game 遊戲示範click here , 好適合2-4人聚埋一齊玩, 係可惜佢無中文版, 唔係就玩得更投入, 不過遊戲都係好easy play 唔複雜, 而且遊戲種類多, 試玩左部份game真係有趣好玩.
部份有趣 mini game
依隻照鬼game玩得太興奮, 玩到我叫埋出黎...
趣記: 原先買之前打過去香港代理問會唔會出中文版, 內容如下;
我: 唔該, 我想問有隻wii game 會唔會出中文版架.
代: 無wor, 我地無資料wor...
我: 下, 我重未問邊隻game wor ??? (加兩聲冷笑)
代: 咁邊隻呀 ...
之後都唔洗講, 問完都係無喇, 但抵死在, 我都未問邊隻game, 佢已經話無囉...同朋友講開依個笑話, 原來依間香港代理都臭名遠播, 客人有咩問題都處理唔好, 可憐任天堂比個代理佢做攪到整臭晒個brand的形象同服務質素.
有日行經藥材舖, 有位promoter送左份walch 新出含18種本草精華薰衣草沐浴露的試用裝比我, 同平時用得種味的沐浴露比, 又真係感覺到有種藥材味, 感覺好醒神舒服, 所以第次再返去買返黎用, $47/2支. @650ml
聽同事講出前一丁新出左一款黑色包裝的 黑蒜油豬骨湯味公仔麵好耐, 但次次去超市睇就係唔見, 只得個廣告, 上星期有日行左去商場另一邊的惠記睇, 見到喇, 傳說中的 黑蒜油豬骨湯味呀, 人人講到咁好食, 搵咁耐先搵到, 真係有d興奮, 見特價$31.5/10包, 就買晒10包返黎試.
第2日煮黎食, 聞到已經好香豬骨味, 其實出前一丁以前都出過豬骨湯味, 但感覺一般, 但今次依款真係好好味, 麵質感覺較煙韌點, 豬骨湯味濃, 實在有在拉麵店食豬骨湯拉麵的味道, 加上黑蒜油的香, 實在好美味!!
食到尾時, 重有同食日本拉麵時的餾感.
食完韓式小食, 行去LCX巡舖, (aya, 依家寫blog先記得無去toysrus巡下tim = =') 睇睇下, 見到有好多新品上左架喇, 有芝娃娃twins,妹妹同弟弟, 但無其他成員, 亦見到有 tricycle & Car Set, washing machine, pajamas, dress & carry case, 可惜見唔到 baby swing, anyway, 依家無discount, 但都買左芝娃娃sister同一套校服做戰利品先.
上次黎時小儀金剛都未介紹, 20/5 星期五晚放工即去, 等左陣就有枱, 但之後有成十多人黎排隊, 好在早一步到, 依D咪廣告效應囉.
依間小店都係賣小食多, 樣樣都係10零至30元的食物, 2個人可試多幾款.
其實食物種類唔多, 依兩次都已經試左6-7成食物, 食物亦有佢特式之處.
一開始黎左碗韓式炸醬麵 (無影相), 麵質煙韌, 配上黑黑的炸醬, 味道相當不錯.
迷你飯團, 唔洗等好耐就上枱, 以為會好try, 原來飯團上都佈滿好多紫菜,芝麻等, 亦撈有一些麻油之類在飯, 不好飯的我亦覺得不錯.
原先只order一串的燒雞肉串, 好食到再encore兩串, 但此食物要等10-15mins., 咁好食等下都值得. 雞肉嫩滑, 即燒熱辣辣, 有些少甜燒醬味, 配上可清清口的大蔥粒, 美味!! (必食)
自選炸物: 今次話無魷魚, 咁order左粉絲紫菜卷, 番薯 同 餃子, 即叫即炸, 最欣賞係佢剪開每件食物比2人共享的細心.
再試上次食過的韓式年糕串, 內脆外有甜辣醬汁, 口感特別, 雖然我無試過韓式炒年糕, 但心知自己一定喜歡依款多.
今次食咁多野都只係$110/埋單.
店內的食物menu, 一頁睇晒, 但食物有特式.
行過韓式食品店, 即買包炸醬即食麵試下, $47/pack(4包).
之後有晚煮左黎試, 味道真係同餐廳的一樣, 相同的都係有d肉碎同薯仔粒, 果然貴在包炸醬料.
UK森林家族出左早輪設計產品的實圖, 會o係UK 7-9月出售.
FARMHOUSE 屋頂的矛草設計幾特別, 外牆亦好有農村氣息.
屋內寬敞, 設計有點似綠之丘, 但相比實用面積就不足了.
最大賣點就係依個獨有的壁爐, 附有柔和燈光, 相當吸引!!
農場點少得 barn, 但對我黎講興趣不大.
Carry Cottage - hand carry去邊都得, 實在方便.
UK版的CEDAR TERRACE , 唔知同日版有咩分別呢.
原來日本同UK都各自設計Kangaroo Family , 其實UK版都唔係話好差o既, 不過日本設計得實在太可愛喇.
昨日帶左hugo去打防疫針, 雖然一年都係帶佢去一次, 不過要揹住7.3公斤的hugo出街, 都咪話唔辛苦.
打完針去左元朗明星飲茶, 黃生無端端叫我o係佢個袋拎野, 發現有盒野o既, 原來係早論去試左想買又無貨的earphone, 特登上網訂返黎, 開心到忍唔住即刻鍚左佢一啖
上次買的耳機壞左後就求其用個之前買落的philips, 同新耳機真係大對比, M2依款音質重背樂音響, 人聲無之前的耳機咁清, 但質素絕對平均.
睇日劇見到d草梅蛋糕好正, 即時回憶起去日本時的美味蛋糕, 昨晚就去Italian tomato買件滿足下先, 可惜無草梅蛋糕, 但黑森林草梅蛋糕一樣咁美味!! 蛋糕內的cherry真係特別新鮮, 草梅雖不是好甜, 但是原粒草梅無減料, cream亦好滑流.
森林家族在日本6月又推出新品喇.
其中依架o係日本街頭街尾都成日見到的Ice Cream Wagon.
貪心的honey bear brother杯雪糕幾高!!
真係幾喜歡佢好有日本雪糕車文化.
另外有依款好kawaii的爆谷車
唔止賣爆谷, 重有朱古力香蕉等...
好喜歡佢隻色, 好可愛好sweet.
重有以下服飾
sister size的雪糕車waitress dress
依款mother size的漢堡店waitress dress已經在4月出售
