咪走雞

26/5星期四晚提早同爸爸慶生食飯, 因為爸爸工作同住處都在大埔關係, 食飯都唔會去得遠, 本來又去東江雞的, 最後妹決定改去食咪走雞.

 

一黎半隻咪走雞, 好特別, 熱騰騰起晒泡的上枱, 大家睇到wawa聲, 有沙薑味, 我食左件雞胸有些韌, 但味道幾好的, 其他人都幾喜歡.

 

baba想食的菜甫蝦人炒蛋, 味道不錯, 蝦亦新鮮彈牙.

 

我兩姊妹必order的椒鹽九肚魚, 依間都不錯, 炸得外面香脆內裡肉滑, 唯一係魚瘦了點.

 

薑蔥枝竹爆魚雲, 幾野味, 尤其煲底的枝竹, 佢算煮得ok, 不過依味魚因包左粉再炸, 令饌魚頭時比較困難, 部份魚肉會容易煮散, 寶物就要尋煲底喇.

 

西蘭花炒斑球, 斑球肉厚, 正!

 

咕嚕肉夠酸甜, 不錯!

 

是晚食咁多野只係大約$400/, 算抵食, 食小菜只須加$10/就有明火湯同飯, 食物都有水準的, 可是餸菜份量細份, 5人食總算剛剛好. (媽媽另外食素)

依家食店一係加價一係減量, 相比以前總覺得被騙似的.