西柚減肥法

食完晚餐, 最好食個生果幫助消化, 近排聽人講西柚減肥法, 唔sure好似2-3個月keep住早午晚各半個西柚, 加上早食雙蛋雙煙肉, 午食唔記得, 晚食咩都得, 但三餐都要戎澱粉質, 有人咁就減到30磅, 真係信不信由你.

咁啱早輪黃生弟婦送左個比我試, 以前從來都唔食o既我, 一食真係酸架wor ><, 我不嬲都好鬼怕酸, 但食食下酸得黎又有d回甘味, 反正都想減磅, 之後都keep住買黎食, 雖然我就跟唔到以上個減肥法, 西柚一日都未必食到半個, 薯片公仔麵就不斷食, 但都減到4磅bor, 果然有d用.

為咩都好, 得閒食個生果, 人都健康d.

紅肉西柚, 我習慣去晒皮同依, 比食橙要去多層依比較費時, 但食得舒服d.

黃生用古法係打橫切開一半, 再用匙羹cut開一份份在西柚內, 但食時發覺d肉大部份都壓爛晒, 又要撥開d黐住晒的依, 食得好麻煩又浪費.

唔知你地又用開咩方法食呢?

*暫時百佳promote $9.90/ 4個.