森林之友暢談@紅螞蟻

今個星期好忙, 晚晚都有不同節目, 星期五晚約左森林好友charlotte同新朋友牛奶兔Vicky去買場景材料同晚飯, 行左陣太子, 之後去左Vicky推介的餐廳 - 紅螞蟻, 起碼有幾年無食過喇, 估唔到幾有水準!

order左個蜜汁燒銀雪魚飯 - 真係值得嘗試, 因為我地個個都喜歡, 銀雪魚肉質鮮嫩, 加上蜜汁更加美味!

桂花蚌意粉 - 意粉同雜菇吸收海鮮的精華, 桂花蚌亦爽口味美.

雞肉caesar salad - 雞肉唔鞋, 配上芝士麵包糠同新鮮雜菜, 材料充足, 配搭剛好.

 

最後還有件焦糖芝士燉蛋布甸做甜品, cheese cake口感, 還有脆糖面, 正!!

3個人share所有食物, 好味的一餐, 滿足到不得了!!

 

食得開心之餘, 還暢談森林家族的事, 真係傾得特別開心!!

好多謝charlotte幫我買的雪糕車妹妹製服裙, 好可愛!! 最重要香港官網都未update, sogo就有, 但一陣就已經無晒喇, 再次嘆自己無能力成日去巡舖, 一定睇少好多正野.

還有收到Vicky送的一個hand made閃閃襟章 同 筆筒, 真係好喜歡呀!! 一諗到個絕版森林家族襟章機整一個少一個襟章, 就已經覺得好珍貴!!

 

Vicky推薦的餐廳真係幾好味, 遲d再post埋去飲食篇先.