今年好滿足, 因為都食左唔少月餅, 早排買左天使魔鬼趣脆dip, 一盒係趣脆配料, 另一份係天使同魔鬼冰皮月餅, 而且重有個靚靚朱古力袋送. 用coupon買都係$50/, 抵玩抵食!
首先用熱水座熱放入心型模的朱古力先.
好快就可以上碟, 唔食得都睇得...
太心急喇, 完全等唔到3分鐘就點朱古力醬加彩色朱古力粒粒食, 味道咪好好味的朱古力味 lor... 就算食天使都係一樣.
食月餅點少得食生果, 幫助消化麻.
送左盒大斑八星伴月比奶奶, 叫我地拎返一半返黎, 可以試食綠豆蓉, 重有紅豆抺茶味, 前者都ok, 後者係我喜歡的味道, 真係好正!!
我都食傳統月餅, 至愛美心雙黃白蓮蓉, 最好食都係佢!!
食過榮華, 唔掂, 蛋黃好腥.
森林子民都食唔少呢...
中秋夜返奶奶度做節食飯, o係街發覺無嘜小朋友拎燈籠慶節, 好似無咩氣氛呢... 但返到自己住宅樓下的小公園, 好開心! 見到好多家庭大大小小咁舖地食生果,月餅慶祝, 小朋友就玩燈籠, 真係好開心好熱鬧!!
好懷念以前係香港過中秋
回覆刪除[版主回覆09/14/2011 13:55:00]係呀, 我諗香港點都有氣氛d, 不過最重要一家人一齊開開心心食月餅賞月掛下燈籠, 咁都好開心呢!!
個朱古力袋係咪環保袋? 幾靚喎!!
回覆刪除我覺得依家過嘜節日都無咩氣氛. 可能人大了, 太多事要做, 要煩. 唔似得以前細個, 過著無憂無慮的生活.
[版主回覆09/14/2011 13:53:00]係環保袋黎, 可以放凍野的.
我就覺得自己越大越喜歡搵多d節日氣氛, 例如自己佈置下屋企, 中秋o個晚放到樓下見到咁多家庭o係度食野賞月玩燈籠, 見到真係覺得特別開心!
美心果款有fd送左盒比我...查完朱古力醬等一陣, d 朱古力醬真係做到脆皮效果呢~ 個袋真係好靚呢~ 成個都係朱古力pattern ~
回覆刪除[版主回覆09/14/2011 16:03:00]HAHA, 我太心急, 等唔切佢變脆就放左入口喇, 希望下次忍到喇..
個袋真係幾靚, 留黎平時用都唔錯, 重可以裝凍野.
哈哈.. 好似扭旦嗰款好味啲咁ge
回覆刪除[版主回覆09/15/2011 09:37:00]HAHA, 我地都係玩食玩都飽晒滿足晒!!!
影到好似真的一樣!!!!
回覆刪除++++++++++++++++++++++++++++++++
個朱古力袋真係好靚ar!!!!
+++++++++++++++++++++++++
榮華月餅的蛋黃竟然好腥???
好彩我冇買榮華~
++++++++++++++++++
我一直都支持美心~
我今年買了美心三黃白蓮蓉!!!!
美心月餅的蛋黃好靚~
有「油」又冇「骨」~
[版主回覆09/15/2011 09:51:00]好多謝你讚賞呀!!!
個袋真係又靚又實用呢.
係呀, 我都真係頂唔順榮華蛋黃太腥, 不過我都有朋友喜歡食佢wor, 真係個個口味都唔同呢.
wah, 你買美心三黃咁勁, "骨" 我諗你想講硬吧, 係呀, 我都覺佢油份剛剛好, 不過部份蛋黃中心都會有少少硬, 你咁細食多少少都ok, 記得食返多d生果或飲茶消濟呀.
因為家裡剛辦完喜事，所以今年無特別慶祝，只是兩公婆撐枱腳 (兒子去了度蜜月)。幸而可以在你這裡感染你家和森林子民的節日氣氛！
回覆刪除[版主回覆09/16/2011 15:11:00]能帶給你節日氣氛, 我都好開心呢!!
巧正WOR~ ^^
回覆刪除[版主回覆09/19/2011 13:22:00]重有, 留比你食...