早前喉嚨不適, 成日見想咳, 所以都會買好多款潤喉糖旁身, 買過依款珮夫人潤喉糖系列不錯, 多款味, 烏龍茶味最特別, 有時萬記/屈記減價$11/2包
之前一咳, 就算西藥食得好都會重有d未清, 有晚半夜黃生問我飲唔飲水, 我先知自己咳, 原來瞓著左真係唔知發生咩事, 最慘係咳多兩聲咳到嘔, 好在當時反應快用手接住咋, 唔係就有排抺. 為左久咳未好, 試過買好多野試, 念慈菴, 冬蜜, 重有各式各樣的喉糖等, 依家我總算無咩咳了, 但黃生重係朝早特別多咳, 唔知各位有咩特別配方可以試, 最重要唔難買到.
之前一咳, 就算西藥食得好都會重有d未清, 有晚半夜黃生問我飲唔飲水, 我先知自己咳, 原來瞓著左真係唔知發生咩事, 最慘係咳多兩聲咳到嘔, 好在當時反應快用手接住咋, 唔係就有排抺. 為左久咳未好, 試過買好多野試, 念慈菴, 冬蜜, 重有各式各樣的喉糖等, 依家我總算無咩咳了, 但黃生重係朝早特別多咳, 唔知各位有咩特別配方可以試, 最重要唔難買到.
會唔會試下燉川貝？
回覆刪除[版主回覆02/09/2012 23:26:59]唔該晒呀甜甜貓!! 估唔到用橙都得, 依個真係少聽D, anyway下次買返個燉樽先得.
[甜甜貓回覆02/09/2012 16:06:32]Vicki, 你看Lotte的回覆一定識做喇！... 不過你仲想簡單啲，可以試下燉橙~ 將一個橙切開頂，洒少許鹽，用牙簽吉返個頂蓋，放個橙入碗，隔水蒸10分就可以。連水連渣食晒！祝早日完全康復！
[版主回覆02/09/2012 10:00:03]甜甜貓, 我係正宗無飯主婦, 煮食只識基本野, 唔知燉野點攪, 可否賜教, 唔太複雜都想一試...hehe
聽過燉萍果, 可以一試.
回覆刪除[Lotte回覆02/10/2012 00:04:12]唔好客氣, 因為我cousin 勁咳, 佢話食咗一個禮拜燉萍果就無事.
[版主回覆02/09/2012 23:29:34]唔該晒呀charlotte!! 你搵條link好得好詳細, 睇見都覺滋潤, 不過要買返個燉樽先.
[Lotte回覆02/09/2012 13:37:16]http://blog.yahoo.com/_3VPVMJYJIRBL4CVOBVQS3YXFY4/articles/26242
[版主回覆02/09/2012 10:05:09]我係正宗無飯主婦, 要問人點燉野, 如果你識都話我知...hehe
食多啲川貝.
回覆刪除試吓"川貝蛇胆液" , 暖水送服.
飲多啲川貝湯水, 例如川貝煲瘦肉, 川貝燉雪梨.
[版主回覆02/09/2012 23:33:36]唔該晒呀罐罐!! 個個都提意食川貝, 應該都會買d試, 蛇膽我怕怕地, 不過你建議的川貝湯水都好啱用呢!!
薑味同梅味都唔錯架, 不過我都係至愛原味.^^
回覆刪除[版主回覆02/09/2012 23:35:00]薑味我都覺幾好, 梅味又真係無為意有wor, 不過間間舖都唔齊貨, 下次再睇下先.
你屋企附近有無原味家作ar.. 我咳得勁會去買佢啲止咳湯水飲下.. 都ok 喎
回覆刪除[姜斯拉回覆02/09/2012 23:57:15]佢有款粉曷湯都有效！有款鱷魚肉㷛咩咩⋯湯！你試下！
[版主回覆02/09/2012 23:39:57]真q, 我又剛剛買左佢500蚊coupon, 貪佢有湯送又有9折麻..^^
由於我依家無咩煮飯好少有湯水飲, 攪到早排兩公婆身體都麻麻, 所以先join佢, 上兩次都揀d滋潤的湯, 不過真係唔知有隻係止咳湯水, 睇咁多次都走漏眼tim, 下次再睇清楚先! 唔該晒呀姜師奶!!