聖誕前後的晚餐

食食食, 聖誕前後食唔停...
23/12陪黃生出中環買了個銀包, 之後去一風堂食個拉麵.



食開的"清亭燕萍"結業後, 搬了舖改了名做"越南蔡", 之前聽過人講食物味道不再, 但點都要親自來試試先.
例牌order牛油雞翼, 一來到已香氣撲鼻, 蒜粒亦炸了一堆跟碟上, 味道不錯, 無9成都有8成味, 只是油太多, 吸油紙都唔夠吸.
另外菠蘿炒飯, 蒜蓉西蘭花, 兩樣都炒得不錯, 好有穫氣!
服務態度值得一讚, 以前聽得最多係老闆同員工都一副唔憂做的態度, 對客人態度惡劣, 但這晚完全無這回事了, 樓面的員工好細心恩勤, 照顧周到, 重提醒隔離枱的食客小心錢包, 總覺得係因為搬舖後生意額不再像以往般興旺, 服務才這麼細心, 但不知生意好之後又是否會故態復萌.

這天無咩收穫, 到sogo都無sf 好買, 唯一就是食, 宵夜經過 Haagen Dazs兩個人食個細細的聖誕set ,不過$99/都唔平, 想食無計.

平安夜, 不嬲都唔會大時大節比人賺, 兩口子食日本野就最好, 4點半收工, 無預計情況下行去荃灣見到重有戲飛即場買了twilight睇, 黃生話係最好睇的一集喎...haha, 我都覺得今集結局大有驚喜, 同事話與小說不同, 但最緊要有好結局.
睇完戲, 心情大好, 即去峰食susi, 拎完飛去埋洗手間已經好快有位, 食了一餐豐富的平安餐!!
比較喜歡炸廣島蠔, 蜆仔麵豉湯, 蟹糕susi, 吞拿魚腩 susi






聖誕節, 無出街同人迫, 一早準備好晚餐食材, 是晚食大蝦安格斯牛扒餐 , 黃生做大廚, 果然有板有眼!!

重煮了一煲忌廉青口, 好好味! 依個真係要比十個讚!!

boxing day約了一班舊同學bbq, 同學仔重買了好有聖誕feel 的cup cake, 好可愛!

這晚不太凍, 對住個爐更溫暖, 人亦不多, 因為明天要返工麻.