一家四口的生活, 森林家族的世界.: 3月 2013

2013年3月26日星期二

Jackie@ the bear's school 最多最齊的精品店

有日經開美麗華, 原來有間精品店有極多Jackie 的產品, 以前睇都唔覺, 原來jackie真係越來越受歡迎! 而且係我在香港見過最多最齊的, 還多過日本店呢.
不過我都只係買少少野慰勞自己, 就係一個小衣架型夾同memo sticker. $9x/
掛在公司看著的感覺都不錯呢...^^

灣仔 Rilakkuma 店結業特賣

上兩個星期去開灣仔, 順便睇睇鬆弛熊店, 剛巧遇著結業特賣, 全店特價7折!!
我亦唔執輸買了一隻平面碟同一副鬆弛熊型啤牌, 加埋都只係$114/

2013年3月25日星期一

我們可是看板貓,喵~

好耐都無買貓書了, 最近買了兩本貓書 - 我們可是看板貓,喵~
看書名有點不懂意思, 其實即是舖頭貓, 在日本的舖頭貓實在很可愛呢!! 所以忍不住手買晒回來.

Haven & Hugo 生活照

一叫就識望鏡頭的 Haven

一回家就立即企係糧碗隔離等餵的 Haven

扭人摸的 Haven

沈思中的 Hugo

一叫就望鏡頭的 Hugo

扭人摸的 Hugo

一田 x 森林家族珍藏展

今年復活節, 森林家族在沙田一田有個珍藏展, 不過聽朋友講無咩特別, 如果經開都可以去看看.

個場景又set得幾靚喎!

一田 X 森林家族復活節繽紛珍藏展
展出過百款絕版珍藏‧率先發售新登場商品

日期：3月21日至4月2日
地點：沙田店2樓展覽場

2013年3月21日星期四

日本4月新品

日本4月又有些新品, RIVERSIDE RESTAURANT 個感覺唔錯, 應該都會買.

還有COUNTRY CLINIC, 話說我的子民都是金剛護體, 不受病毒入侵, 所以從來都不會買診所系列, 不過這個的湖水綠確實吸引, 或者都可考慮買來幫子民 body check.

另外還有護士及牙醫套裝

還有水獺家族, 完全配合riverside restaurant 的感覺.

2013年3月20日星期三

Natural Chiffon cup cake & 美心當做mango cake

有日經開旺角記得有間可愛的cup cake店就去買來試試, 其實都係貪得意, 一向對cup cake感覺得個樣, 有些裝飾colourful到有點嚇人.
這間的外表已非常可愛, 有隻非常cutie的小箭豬, 其他多數是美觀的花形. 顏色比較正常, 唔會過份浮誇.
味道又無諗過咁好味, 小蛋糕是根據返挑選的味道, 而且不會太乾食到塞住喉嚨, 店員介紹雪過後最好等一陣先食, 不過我依d心急人又點會等, cream未溶, 雪到已不是cream的軟身狀態, 但又不至於過硬, 是我喜歡亦接受的質感.
左上開始係, coffee, chocolate, green tea & peanut, 每款都十分香濃味, 不過黃生話朱古力過濃, 但我又喜歡喎.
花生是貪可愛才揀的, 平時都不會選擇這種味, 但出奇地食到很出的花生醬味, 感覺又很喜歡呢!
下次一定再試其他味! @$15/

太掛住cup cake, 第二晚近近地去美心買住幾件蛋糕仔頂住先, 芒果當做, 新出了幾種款式, 買了下面的芒果蛋糕, 芒果真係好甜, 蛋糕亦鬆軟.

內裡原來不只是蛋糕, 中心用mousse夾埋芒果肉, 可惜個底的芒果反而酸的.

chocolate cake, 好似starbucks食開的一款, 面層舖有朱古力粉, 鬆軟朱古力蛋糕內有一層層dark chocolate, 好啱我食!

Sense Dessert Cafe 份子料理甜品

有晚時間嘗早, 過左去元朗食想試好耐的Sense, 店內未多人, 正好, 兩口子揀了張窗邊位, 環境靜坐得特別舒適!

睇左陣menu都未睇得清楚, 店員好有禮地拎出ipad介紹店內的特色甜品.

來這裡當然要試招牌甜品 tiramisu, 無錯, 係tiramisu唔係盆栽喔, 不過個樣真係好似一盤有植物的泥, 感覺相當有趣!!
面頭係用朱古力粉等攪亂成一堆泥狀, 食到下層就會有平時食開的tiramisu味, 比較香滑.
食到咁上下, 店員來問問我地食得出有什麼, 我只講有種特別的甜味, 但黃生講中了原來有爆炸糖, 好利害呢, 此刻大家有講有笑的氣氛更感舒暢, 好耐都無試過一間令自己咁開心的食店.

上網睇以為好大盆, 原來只係咁細小咋, 不過感覺份量又剛好喎. $45/

另外order了紅白心太軟, 紅白是紅桑子及雲呢拿雪糕再用液化氮冷卻, 變到好似石頭的外形, 因為這種狀態太凍食會痴住條脷, 所以店員亦講解混合暖暖的心太軟一齊食最為適合.

流心的心太軟, 很香濃的朱古力, 配上極凍狀態的微酸紅桑子味雪糕, 無論一軟一硬的口感或甜加開胃的味道配搭, 都意想不到的合拍!! $75/

劉森記蝦子麵, 生記魚湯米線, 華星冰室

有日經開深水埗, 突然想食蝦子麵就過去劉森記, 我碗雲吞蝦子麵, 竟然得3粒雲吞, 少左d掛, 就算舖租貴都唔係咁減法麻...
不過d蝦子又真係好味, 好有海鮮的咸香, 食多幾啖會厭乾得濟, un住喉嚨

黃生食的牛腩蝦子麵, 牛腩都唔錯, 好入味有牛味, 唔會un口.

又有日過去上環, 上飯網搵到有間生記魚湯米線, 食評唔錯, 一於試試.
點了款金牌豬腩肉, 好淋好入味, 小食碟上比跟米線上的好食, 因個鹵水汁實在係精華, 少少甜但我喜歡!

這款是雜錦米線, 即係咩都有, 亦已經係舖內餐牌的所有餸, 始終浸在湯, 雞翼同腩肉都失了鹵水味, 鯪魚肉味較淡同淋, 可能浸得太耐吧, 魚片頭同魚腐又估唔到幾入味, 湯底唔算好重魚湯味, 只食得出有胡椒, 但最敗筆原來係米線, 係好淋, 入口就散無咬口o個種.

在灣仔, 又係上網搵左間好評的華星冰室, 即係好似澳牛的餐廳, 不過我一向唔喜歡趕客又坐得極之唔舒服的澳牛, 食過一次都無食了, 但這間算ok, 雖則都係一般冰室座位, 但可能是下午茶, 食客不多, 坐卡位都舒適, 不過都係要搭枱的.
其實都只是一般牛油多士, 火腿蛋之類, 叉燒通粉亦只係一般貨色, 味道無咩特別唔好, 感覺係自己都煮到, 總之蛋煮得唔老, 包焗得唔燶就ok吧. 不過炸雞翼只係面頭灑椒鹽, 內裡完全無味亦炸得太乾身.

寶品滿月之圍村盤菜宴

好友sue的小寶貝 - 寶品話咁快又滿月了.
難得是圍村人擺盤菜宴, 睇電視就睇得多, 今次有幸得到邀請, 當然要來體驗下.

wah, 真係好大盤呀, 一枱得8個人, 真係食唔晒呀, 不過真係好入味, 而且在空地大排延席真係特別有風味!!

寶品好精靈, 帶晒金器真係好chok!

祝你健健康康, 聽晒媽媽話喔!!

減唔到肥的原因

減唔到肥的原因有好多, 其中一樣係爸爸同奶奶煮我喜歡又好味的餸菜, 見到又點忍得口.
平時少返娘家, 一返親去阿爸就買我至喜歡的海鮮食, 多到我飯都唔洗食.

對我來講, 最至命的一定係薯片, 我真係太喜歡食薯片喇, 尤其日本calbee出的, 重要當宵夜咁食, 體重自此亦有增無減, 次次都同自己講, 食埋今次先, 其實根本無止境, 算喇, 我都係無可能戎到架喇, 唯有盡量食少d份量喇.
講時講, 759阿信屋返左好多新味著片, 有隻"出前一丁"味, 真係好香麻油味, 好過引!