小王牛肉麵, 美味餃子店, 糖百府, 別府, 魚米家, Paisano's

見沙田連城開左間台式"小王牛肉麵", 一於試試, 牛肉麵味道ok, 不過始終不及台灣咁正吧.

什錦小食, 無記錯有豆,菇, 雞同魷魚, 份量小小, 味道可以.

唔記得咩羹, 只記得無味.

"美味餃子店" - 有好姊妹結婚了, 一班人揀完婚紗同姊妹裙, 餓餓地搵左間我之前上網搵定的餃子店, 叫了個湯但後尾發現餃子已經係依個湯底, 車仔麵麻麻, 醬料唔夠香......


主角始終係餃子, order了椰菜餃,  韮菜餃, 個個都話正!

之後再去了糖百府食糖水, 一班老死暢所欲言, 最開心係大家識左咁耐都清楚大家性格, 我永遠係攪攪陣的一個, 當然大家都唔會介意又開懷大笑一餐.

在屯門睇戲前, 在附近搵了"別府"食個下午茶, 我依個海老加三文魚刺身ok, 拼牛油果,蟹子susi飯都好味, 但牛油果少左d.

黃生點的雞扒飯, 食食下就出問題喇, 食到成口成手都黑麻麻, 原來發現spoon有污糟, 好似炭屎咁, 即叫經理問有無攪錯, 食落肚點解可以咁離譜, 道歉過後亦已cancel此一份order, 當然我有食其他野我都會比錢, 最攪笑係我地埋單時個經理比張單問:洗唔洗要coupon. 依下我真係覺得攪笑喇, 你係有誠意就會比埋人而唔係問人要唔要吧, 不過我都無要, 亦唔會再幫襯!

晚餐去了魚米家, 芝士魚柳焗飯, 可惜魚腥芝士太咸.

還order了魚湯什菜粉絲煲, 一般喇, 只係想飲個熱騰騰的魚湯.

有晚睇完"杜文澤"talk show, 因為"底俗喜劇"而去睇, 但新手真係新手, 食螺絲講錯野我可接受, 但有時講到nur晒脷完全聽唔到講咩就真係唔得喇, 都有唔少好笑位, 但亦有唔少悶位, 不算好亦不太差吧.
睇完經過Paisano's 點了一件pizza, 真係好大件, 味道可以.
還記得是晚星期五食完還搭車去了元朗食埋最出名的阿玉豆腐花同隔離的串皇先收口, 即興即食就是最好!