2013年9月30日 星期一
2013年9月20日 星期五
親友自家製月餅, 追月BBQ
今年好幸福，收到好多親友自家製的月餅，太多關係，拎了妹妹整的返公司同人分享，藍莓芝士冰皮出奇的個個都話好食，我自己都食多了幾件呢！
同學仔整了有可愛圖案的冰皮月餅
姑姐整了嘉麟樓配方的奶黃月餅
多謝晒咁多位！！
追月夜約了幾個同學9點去巴希雅燒烤， 早兩星期book已非常full了，所以只剩咁晏的時段.
個爐確實好熱，我還好點有風扇吹到，不過太夜關係，飲品雪唔凍，還有唔包蜜糖，只有水同豉油，下次記得自備先得.
中秋團圓飯，黃金海岸賞月夜
返奶奶家食美味豐富的中秋飯，都係喜歡在家裏食飯，感覺更自在舒適！！
食過飯就join了姑姐一家去黃金海岸賞月去，大家準備充足，有生果有月餅，又有燈籠爉燭螢光棒等...
第一次有心情來同人迫， 好在唔算等好耐轉到入停車場，轉了圈便有位拍車了，lucky!
去到海灘真係好多人呢！眼前的所有空位都比人坐了， 幸好都搵到位置坐下，聽住海浪聲同熱鬧的人群聲一齊玩燈籠賞月，溫度不算太熱，別有一番風味！
感覺今年月亮特別明亮特別圓！
食中秋飯前特登過去太子玩具店買的彩兔燈籠毛毛耳好可愛，中size $58/
我係小忌廉三十週年展
八月十五放4：30， 終於過去朗豪坊睇小忌廉，地方雖小，但都算有些產品。
不過睇得上眼的唔多
還有拋銀仔遊戲一張圖案卡都要三十幾， 貴了點還有夾袋機
最開心都係聽到主題曲同卡通片段， 睇返先記得原來小忌廉除了能歌善舞，還會消滅外星壞蛋的。還回想當年都擁有過的神仙棒， 可惜無得買返枝懷念， 希望會再出吧！
2013年9月18日 星期三
Sense 迎月分子甜品
打完邊爐去隔離Sense食甜品, 好近好方便!
黃生的apple crumble, 他喜歡, 但我不喜歡 :p
出晒煙的紅白心太軟, 表妹都食到lamlam脷 !!
招牌甜品盤栽tiramisu
38.幾度的北海道牛乳布甸, 下次等我試下夠唔夠香滑牛乳味先.
無添加的 coconut frappe, 因為無添加, 所以唔夠味亦唔夠甜.
迎月YOHO打邊爐
昨晚迎月夜, 約了姑姐一家去YOHO打邊爐, 食材依舊新鮮有品質, 個個都喜歡, 而且迎月夜食得特別開心!!
澳門豬骨湯底已有不少料, 3-4件大大舊豬骨食都食唔完, 又配有支竹, 秀珍菇, 蘿蔔, 粟米等, 今次係3色粟米, 有粟米味但不夠以往的甜.
即叫即炸響令配上酸甜汁, 但都係浸3秒湯吸埋湯精華更美味!
安格斯肥牛好食到encore, 入口肉嫩, 雪花平均, 雖然大碟都無好多塊, 亦無"大邊爐"肉厚, 不過最重要都好味!!
手打四寶丸的墨魚丸實在無咩味, 其他一般, 都係要點醬汁搭夠.
平時唔食鵝腸的我, 今晚都幫襯下, 唔腥又超爽口, 要對佢改觀了.
脆魭魚片, 鱔片, 九肚魚都係咁正咁新鮮!! 如果九肚魚肥肉d更好.
美國桶蠔食得出有些少腥, 鮮甜度不足, 但都ok.
排得整齊有序的小白菜同菜芯苗都係又新鮮又有菜甜, 前者更甜.
手打土魷豬肉丸 比四寶丸出味, 食得出土魷香味.
5個人食左千五, 平均每人三百元都ok, 最重要有水準的食材火鍋店!
滿二千就可做VIP, 可分開單合計, 不過未清楚有幾多優惠, 只知星期一至四 9點後有75折.
2013年9月9日 星期一
吉豚屋吉列豬扒
早幾個月已經見淘大開了間日式吉列專門店 - 吉豚屋, 不過見多人所以無食到, 上星期六再去已經無咩人食, 咁快就比人冷落了, 這就是香港人貪新忘舊的文化.
未到6點已經到 (怕之後多人), 地方闊落, 座位舒適, 人數不多, 感覺置身在日本當地餐廳似的, 查過此店確係日本在海外第一間開的分店(太子,將軍澳都有分店), 唔怪得做得似模似樣.
我最愛海老, 點了款吉列海老加豬柳定食, 果然無揀錯, 是有水準的! 豬柳嫩口, 海老彈牙! 配上一口豬肉片雜菜湯, 大滿足!! 另外點了一杯菊花蜜, 用上真菊花沖製, 特別清香, 這就是日本人細心有質素的食物水準! 令我有沖動想自己買些沖呢.
又海老又豬柳都只須$69/另加一(未計凍飲), 出面應該好難搵到咁有水準又便宜的價錢!
黃生order的南蠻炸雞定食, 樣子不討好, 但原來又係水準之作, 不似一般茶餐廳炸得又乾又鞋同無味或只有雪味的. 這款南蠻炸雞實在炸得外脆內保持肉汁及嫩口, 配上蛋黃沙律醬, 有點酸但可接受(個人怕酸), 有驚喜的定食. 重要只須大約$49/加一咋!
抵食又好味, 已經想再去食多次!
2013年9月6日 星期五
訂閱：
文章 (Atom)