吉豚屋吉列豬扒

早幾個月已經見淘大開了間日式吉列專門店 - 吉豚屋, 不過見多人所以無食到, 上星期六再去已經無咩人食, 咁快就比人冷落了, 這就是香港人貪新忘舊的文化.

未到6點已經到 (怕之後多人), 地方闊落, 座位舒適, 人數不多, 感覺置身在日本當地餐廳似的, 查過此店確係日本在海外第一間開的分店(太子,將軍澳都有分店), 唔怪得做得似模似樣.

我最愛海老, 點了款吉列海老加豬柳定食, 果然無揀錯, 是有水準的! 豬柳嫩口, 海老彈牙! 配上一口豬肉片雜菜湯, 大滿足!!  另外點了一杯菊花蜜, 用上真菊花沖製, 特別清香, 這就是日本人細心有質素的食物水準! 令我有沖動想自己買些沖呢. 

又海老又豬柳都只須$69/另加一(未計凍飲), 出面應該好難搵到咁有水準又便宜的價錢!

 

黃生order的南蠻炸雞定食, 樣子不討好, 但原來又係水準之作, 不似一般茶餐廳炸得又乾又鞋同無味或只有雪味的.  這款南蠻炸雞實在炸得外脆內保持肉汁及嫩口, 配上蛋黃沙律醬, 有點酸但可接受(個人怕酸), 有驚喜的定食. 重要只須大約$49/加一咋!

抵食又好味, 已經想再去食多次!