睇BLOG友講大會堂有個 - 獨特的香港縮影, 終於一嘗心願去參觀及攝影, 好耐都無帶大機出街喇, 今次去實在睇得影得好滿足好開心, 作品亦好精彩, 實在非常感謝所有作者的心血製作出色的製成品供人欣賞!!
-以下相片用Canon 550D 拍攝
其中最喜歡的是這個舊香港夜街景, 五光十色的燈光不停閃動, 令人看得目不暇給!!
-以下相片用Canon 550D 拍攝
其中最喜歡的是這個舊香港夜街景, 五光十色的燈光不停閃動, 令人看得目不暇給!!
唐樓後台外的景貌, 造得相當細緻!
好懷舊的金舖
另一最欣賞之傑作玩具店, 整到咁微型已經好驚嘆, 重要整到咁密質質, 真係五體投地!!
睇下睇下, 唔知有無一件玩具係我曾經玩過呢?
其實, 我細個屋企好窮, 屋企人係唔會買玩具比我的 (攪到依家買到傻 -_-") , 玩的多數都係唔洗用錢買的小玩意, 如摺紙, 捉迷藏, 紅綠燈等與鄰家小朋友一齊玩的集體遊戲咁, 記起有次我同鄰家的小朋友一齊寫理髮的宣傳單張, 因我住的樓層有戶鄰居剛好係私伙理髮店, 寫完後重要入在每家每戶大門的信封入口派街坊, 攪到夜晚幾家的家長來拍門揭發先知驚...haha諗起得啖笑, 而細個時的玩具都是在文具店一齊賣的, 如下面這種賣玩具的店舖實在少見.
展覽日期：2012年8月1日(三)至9月21日(五)
開放時間：每日上午10時至下午6時（逢星期二休館，公眾假期除外）
展覽地點：中環愛丁堡廣場3號地下「展城館」（香港大會堂低座旁）
（供公眾人士免費參觀）
介紹短片
