兩年無黎海洋公園, 真係好掛住呀, 襯佢8月加價, 點都要去玩返次, 最抵死係揀左上個星期五10/7今年最熱的天氣去, 好在早有準備無著牛記, 唔係實焗到生熱癈.
睇左個新開的恐龍帝國, 至在有冷氣嘆, 不過黃生最怕熱, 出到室外話: 天堂與地獄....
最好就係見到有下水禮玩, 我地怕整濕, 睇下就夠喇.
好天到晒到燶
o係人都圍住佢的噴霧恐龍仔, 重會周圍走.
上次黎見到維修緊越礦飛車, 今次都有興趣想玩, 不過廢事玩完行唔到喇.
準備入海獅, 海洋館, 我其中一個必去之地
有無留意到佢係上下倒轉暢泳架
次次黎都買d魚餵海獅, 今次亦唔例外...
各就各位等食魚喇喂...
餵完就睇海洋館, 次次都睇得好鬼開心
上埋觀光塔睇風景
另一必到的訓練營睇小海豚, o係度睇真係好睇過海洋劇場, 因為可以好近距離望到佢地游水同玩波, 真係睇得零舍開心!!
睇住佢跳高再插水, 姿勢優美, 10分! 
q爆呀!! 重追住個波波頂, 下次我一定要同你一齊游!!
睇埋水母就坐覽車過對面
熱到死死下, 買左個幾可愛的企鵝形風扇仔
最熱切祈待o既小熊貓我黎喇
睇下依位唔知係盈盈定樂樂, 食竹葉食到佢個樣幾嘆.
重好有技巧將一塊塊葉用口含住先, 再一次過當雞脾咁食, 夠晒爽!
Red Panda: Hong Kong, I love Hong Kong...
見到喇見到喇, 真係好鬼q呀! 重q過熊貓, 都係因為佢地活潑d多動作d.
爬樹都好靈活, 好鐘意佢條好肥美的尾巴.
黎料喇, 好lucky比我拍到佢地開片, 真係超精彩呀!!
打到攬埋一舊, 真係笑鬼死我.
精彩打抖短片 ~~
無買公仔喇, 做得都一般喇, 但都係唔夠可愛, 不過黃生都揀到頂帽, 個款都唔錯.
再次睇海獅劇場
知唔知我o係邊, 我第一次坐熱氣球, 有d興奮tim.
wahhhhh 好高呀, 睇得好開心!!
唔敢坐上去, 可以坐依個升唔上的熱氣球...好有心思.
無睇過ice age, 不過海洋公園幫我地影依張相都影得幾靚, 當留個念喇.
隻red panda真係好得意呀 , 我都想去 ocean park 呢!
回覆刪除[版主回覆07/13/2009 23:02:00]初初都無諗過佢地咁可愛, 但一睇到佢地真係好鍾意好Q!!
咦, 張相影得好立體喎~
回覆刪除[版主回覆07/13/2009 23:04:00]你講last o個張嗎? 的隔離d動物唔係cg, 真係模型黎架.
Red panda真係好可愛呀!我5年無去Ocean park啦,好想去呀!不過而家學業為重,唔去都好正常,再加上豬流感,真係咩地方都唔準去,日日係home做summer homework,就黎做完啦!Ha^^下星期去姑姐家留下的泳池swim,唔理豬流感啦!Hahaha^^
回覆刪除[版主回覆07/13/2009 23:07:00]點解呀, 你依家放暑假都唔抽日去玩?? 學業固然重要, 但都應該去散散心, 保持身心舒暢. 啱喇, 暑假最好去玩水, 講時講我都想游.
回覆刪除嘩, 呢張得呀!!!
我次次都影唔到水母, 你點影得咁清架?
[版主回覆07/13/2009 23:09:00]拍到佢咁頑皮一面真係好難得!
張水母要佢游o係個最光位置先拍到, 我大部份都一樣影得麻麻架.
攬埋一舊好可愛呀
回覆刪除[版主回覆07/14/2009 09:16:00]真係好難得拍到佢咁頑皮一面!
我都成年冇去過啦 … 不過大熱天時真係咪搞我 !
回覆刪除red panda好得意呀 ! 好鐘意喔 ~~~
[版主回覆07/14/2009 13:04:00]我太耐無去, 真係好想再去探d動物, 加上8月加價, 我先忍熱去咋, 你等凍d先同denise大少去喇, 小熊貓真係可愛到爆架!!
你知唔知其實星期五個日我係架 75號巴士上見到你同黃生係香港仔(隧道前個個站)個到等車 .... 我係到諗 ..... 唔知你哋來香港仔做咩呢 .... ?? 依家我知啦 .... 原來去完海洋公園 !!!
回覆刪除呢個夏天海岸公園好似好多嘢玩喎 ... "心 yuk yuk" 有D想去忝 .... 而且仲好想睇對 Red Panda 忝 ... 佢哋好可愛呀 !!!
[版主回覆07/14/2009 14:30:00]wahaha, 原來咁鬼q見到我地, 真係好眼利呀你!!
對小熊貓真係好活潑可愛, 如果怕熱你等涼些少先去喇, 我等唔切, 又想加價前去, 先咁心急咋, 好在都頂得住, 始終好多地方都有冷氣嘆麻.
雖然咁熱, 但D風景影得好靚呢. 影海豚, 熊貓同埋Red Panda好正, 我覺得自己好似又去左一次海洋公園啦 .
回覆刪除[版主回覆07/16/2009 11:08:00]依個地方真係耐唔耐就要去一次!!
係la,就快加價,係咪應該要去行下呢? 諗諗~ 諗諗~~
回覆刪除[版主回覆07/16/2009 15:51:00]你睇下怕唔怕熱先, 再衡量有幾想去喇.