一家四口的生活, 森林家族的世界.: 10月 2011

2011年10月31日星期一

森林家族村萬聖節魔法晚會

昨晚萬聖節前夕, 森林家族村來了3位魔法學校的魔法部優異生舉辦了一個精彩好玩的萬聖節魔法派對!

這3位就係魔法學校的優異生, 她們正商議怎樣變出一個精彩繽紛的晚會給森林家族子民享樂!

自小夢想成為一位出色魔法師的鹿妹妹

終於夢想成真, 魔法朱古力兔姐姐變出一套自創的魔法制服, 鹿妹妹開心到不得了!!

還幫有夢想的小朋友變出多種可愛造型

有翼的牛BB, 唔知識唔識飛呢??

魔法鹿姐姐帶領一班想入讀魔法學校的小朋友示範飛行

3位為食的可愛小鬼, 一齊諗計仔搵多D糖食, 點知原來....

魔法朱古力兔姐姐招集一班小朋友...

帶她們到魔法貓媽媽家領取豐富的糖果

一位兔bb小fans還立志要成為出色的魔法師

最出色的魔法朱古力兔姐姐變出魔法之火, 保護這個和諧的森林家族村莊!

魔法之火包含歡樂同和諧的力量, 所以會變出不同顏色的火光.

魔法小精靈亦一齊祈求保護這片樂土.

燃點魔法之火後, 小朋友更樂在晚會之中!

黑炭貓家族的弟弟向爸爸要求去玩魔法滑梯, 因為傳說話玩過後就可以成為出色的魔法師喇!

真係好多人wor, 但都無減黑炭貓弟弟的決心!

其他少年都努力實現成為魔法師的夢想!

當晚重有可愛造型獎, 希望大家都勇躍參加投票!!

大家都過了一個開心難忘的森林家族萬聖節魔法晚會!! 希望大家都enjoy喇.

HAPPY HALLOWEEN !!!

2011年10月30日星期日

Funky Bat Hugo ready to join SF magic party

Hugo 變身為蝙蝠俠, 準備參加森林家族村的萬聖節魔法派對!!

Hugo: 見到個森林家族村的萬聖節魔法派對佈置好熱鬧, 好祈待呀!!

2011年10月26日星期三

SF Halloween special edition and month calendar picture

搵返上年同前年的森林家族月曆, 內有精美的Halloween pictures, 影得好靚好有氣氛!!
SF month calendar picture

早排上網買的Deer halloween set, 好可愛呢!!

加上所有SF halloween special edition, 或者都可以開個萬聖節party......

剛睇左兩套好睇o既戲, 尤其近日大熱的《那些年，我們一起追的女孩》, 雖然係台灣戲, 但剛好係我讀書的年代, 開場講背景說當年張學友專輯"吻別"大賣唔知幾多萬張等等, 令我睇得更有共鳴.
雖然多數都係講男生的感覺, 不過都會諗起讀書時一定有班白痴, 幼稚的男同學在身邊, 只係依班人實在愛不落手.
男主角靚仔, 演得夠幼稚討好, 女主角不是那種一看就是美人, 但越看越有味道, 想不到她真的一副中學生樣子, 已經20有8.
主角一段無開始的關係, 享受當中愛與被愛的感覺, 才令大家的友情更深厚久遠.
同意人話戀愛最美好係曖昧的時候, 無開始, 大家美好的一面亦可永遠保留.
戲中有好多笑位, 最記得係男主角在天台大聲唸英文時, 同對面阿叔對罵, 重要用英文粗口一人回一句, 以為罵完又未完, 真係笑到我拍晒手.
重有好親切好好笑的台語, 總令我記起兒時大人唔想我地小朋友聽但我又明佢地講的是粗話, 都係同台語一樣的.
充滿回憶, 值得一睇再睇的一套戲.

【那些年，我們一起追的女孩】電影主題曲《那些年》官方正式MV

《REAL STEEL》我覺得比《那些年》更好睇架, 不過戲路唔同, 又各有各好喇.
其實位童星比男主角演得更突出, 好戲好串好老積, 不過又唔討人厭, 好多場都好笑, 最初就係o係街聽到人話好笑先考慮睇, 因為覺得依套又好似IRON MAN咁上下, 會欠缺新鮮感, 但原來完全係另一種戲路, sale熱血, 唔造作的溫情, 戲情亦寫得好, 實在比預期好睇, 等出碟!

2011年10月25日星期二

嗲人眼神

Hugo側住瞓, 重要用咁嗲人的眼神望你, 暈未.

2011年10月24日星期一

Arome cake

放假時買左半打東海堂返家品嚐, 唔洗兩日食完
東記當然有水準, 黃生食完一副滿足的樣子, 貴少少都值返晒!!
朱古力同TIRAMISU特價用$1/日日賞加$18/就有2件. 其他$13/件.
喜歡朱古力mousse夠濃, mango夠新鮮, 抺茶須不夠味, 但配搭紅豆蓉係我至愛. 焦糖可再甜, 士多啤梨過左夜就無咁好食.

滿足呀!