依日會去Singapore Zoo & Night Safari玩成日, 差不多12點先搭地鐵到Ang Mo Kio 站轉直通巴士138號, 車程大約半小時, 好欣賞依度的等候車站位置建於室內, 有冷氣嘆之餘又唔怕熱同食廢氣.
話咁快就到Singapore Zoo, 我最喜歡睇大自然同動植物, 黎依度都有點興奮.
今次係我第一次黎新加坡動物園, 買package揀埋Night Safari, 重有加埋坐日間動物園的Tram $5/位, total 2人只要星幣$94/, 如各自玩要$20 + $32/, 但買package 只要$42/ , 抵玩好多!
門外的象模型, 造得好真呢.
一入內, 先見到HINPO
剛好係餵食時間, 可惜都無人願意比錢買食物餵佢地, 唔夠受歡迎吧.
HINPO: 快D餵我地喇!
唔同種的動物都可一齊相處
跟住就見到豹, 好興奮, 最近可以只在玻璃隔住睇佢地, 好近架!!
佢地好喜歡o係玻璃前行, 唔知係咪當我係食物呢...- -''
行返出面一樣可以睇得好清楚, 只係隔阻一條小河咋, 跟住...
有隻豹行左落小小近河的地方, 我見佢企左依度好耐, 平時我見慣見熟佢依個動作, 因為都係貓科動物, 佢其實係想跳過黎, 見佢好多次後腳都想做跳躍的動作, 不過佢知道唔夠近, 最終都無跳到, 我都睇到一額汗 - -" 因為聽親友講, 曾經真係有隻大型貓科動物跳左出黎咬傷過人架.
斑馬d紋真係好靚!
行行下又見到貓科的獅子, 所有有危險的動物都只係一小河之隔, 睇得清楚之餘亦有點興奮!
瞓得好型的猩猩定猴
夠鐘睇動物表演劇場, 一般喇, 最可愛係耐唔耐有d動物走出黎, 重有型男表演!
睇完行返附近睇海獅, 真係一條肥美人魚.
行到咁上下買左杯生果食, 今日天氣其實都好好, 唔太曬唔太熱, 耐唔耐有d陽光, 感覺行得無咁辛苦.
而且動物園好多休息位有埋風扇設計, 重有幾點下圖左的等車位, 就係我最初講$5/的tram, 比左就可以任搭.
有得坐住睇, 唔洗行得咁辛苦!
睇到隻好靚的白虎
黑猩猩群, 令我諗起剛睇完的電影"猩凶革命（Rise of the Planet of the Apes)"
溫馨的猩猩母子
夠鐘開始做大象劇場喇
佢地好聰明敏銳, 識得好多表演動作
又係餵食時間, 聰明的大象即刻走晒埋去食野.
- To be continue part II 小動物篇 -
vicki 拿着個支飲品外型好得意喎 ~ ~
回覆刪除[版主回覆10/02/2011 01:11:43]似唔似水煙筒, 雖然無咩用, 不過都貪過引拎埋返香港...haha
我上次去無去動物園，但有去Night Safari同飛禽公園
回覆刪除[我家仔仔回覆10/04/2011 00:49:49]Night Safari嗰個我就覺得麻麻囉，坐係架車上面o黎睇，又黑蚊蚊，都係去動物園正啲，可以睇動物都睇得清楚啲
[版主回覆10/04/2011 00:12:33]幾年前時我都想去個雀鳥公園, 但今次睇資料又覺得唔大興趣, 最終都係去晒日夜間動物園, 兩者都咁正, 日間睇得輕鬆, 夜間睇得刺激, 真係好正!!
新加坡動物園係成個新加坡最精彩的景點, 同埋個水樽我都有拎返香港 :)
回覆刪除[版主回覆10/08/2011 18:42:56]我都一樣好喜歡個動物園, 真係睇得好開心架!!
haha, 個水樽貪過引拎左返黎都唔知要黎做咩, 又要搵位收埋佢... -_-