玩完Singapore Zoo 已經6點, 準備行去隔離7點開始的Night Safari, 之前上網睇資料, 一睇我已經話一定要睇依個, 諗起夜媽媽去睇動物, 好刺激呀!!
玩前先食d野先
貴d都要食燒雞翼, 好正好味呀!! (一睇返張相, 昨晚剛燒完都想再食tim)
玩前先食d野先
貴d都要食燒雞翼, 好正好味呀!! (一睇返張相, 昨晚剛燒完都想再食tim)
夠鐘入場, 好多人排隊上車睇動物, 如果想去我覺得可以途步行左先, 因為我地之後坐第二次都唔洗排亦無咁多人.
上左車重要等, 差不多半粒鐘先到我地架車開, 浪費左時間.
好喇, 終於入場喇, 有點緊張, 依晚睇的動物, 好大部份, 日間動物園都有, 但個氣氛真係刺激好多, 入園係唔比用flash影相, 好多動物場景都極之昏暗, 大部份相片都係鬆郁濛, 搵到下面幾張相已經係好少少的, 如果無canon部機, 我諗都無咩相可post.
除左坐車, Night Safari重可以行入動物園, 行入去親身體驗實在係感受好大, 黑夜中行動, 只有好微弱光線, 條路都睇唔清, 睇動物都一樣, 氣氛有幾刺激可想而知.
依家睇都睇唔到下圖係咩動物, 直到佢突然飛左埋黎經過我頭上, 我忍唔住叫左出黎, 唔係我驚, 係我太興奮, 原來佢就係飛鼠呀!!
第一次見就飛埋黎比我見到, 實在係好深刻的見面禮!
大耳朵的山貓, 好靚!
全晚影得最清楚係依d 牌...haha
每晚有幾場螢火晚會表演, 坐左一圈車程, 就返去門口出面睇, 好有氣氛!
總共坐左兩次車, 行左一個圈, 玩到10點半先走, 今日實在盡興之回.
夜間睇動物真係好刺激 ~ ~ 大耳朵的山貓圖片我第一次睇真係大開眼界呀 ~ ~
回覆刪除[版主回覆10/04/2011 00:36:03]係呀, 夜間動物園氣氛真係好好, 令人睇得好刺激架.
我親眼見到山貓時都有點興奮, 同電視睇始終唔同感受, 佢姿態好優雅, 好吸引我的目光.
第6張相, 你地座呢款車遊動物園嗎? D動物唔會走埋架車到嗎?
回覆刪除我覺得間精品店好似好吸引!
[版主回覆10/04/2011 00:48:09]無錯呀, 坐住依架車時, 佢有時會行得特別慢, 目的都係想比你睇清楚昏暗環境中的動物, 而且身邊真係會有動物行過架, 我記得有隻黑白紋的豬行過, 重有梅花鹿坐o係馬路邊, 真係好近, 你夠膽真係可以伸手就touch到佢... 多得你問起先令我記起依個咁刺激的moment!! 好多場面都睇得太興奮, 真係記唔到咁多.
日/夜間精品店都好多產品, 我覺得都幾靚, 只係真係唔平, 所以我都無買到d咩喇 買左返黎又要搵位擺, 無謂同sf爭喇.....haha