輕鬆星期六 - 飲飲食食

星期六去左九龍灣行街, 好耐無去喇, 主要想巡下舖, 因PIAGO 同Megabox 的大眾都有森林家族, 順便想行下IKEA等, 重有淘大的鬆弛熊專門店, 最後重突然夜晚成九點幾踩去旺角買野, 真係大豐收的一天......

2點幾去到九龍灣約左人交收森林家族, HAHA買到SET好喜歡的產品,( 另外開POST)

跟住去左SUPER SANDWICHES食左個TEA, 雞肉三文治乾左D, 我份熱香餅最初唔夠honey, 黃生幫我拎去加多d, 好好多, 不過香腸烘得較乾, 薯條用新鮮薯製, 外脆內軟, very good.




行完PIAGO再轉去megabox巡大眾, 前者無咩森林家族特別產品, 不過大眾都有最近新出的halloween set 同charcoal cat family 賣, 會員先有9折.
行完大眾, 見到starbucks坐底飲杯creme brulee macchiato, 食件blueberry cheese cake, 最重要係依個商場依個位置唔多人行, 坐o係度食住野, 實在有d似在外地旅遊時o個份悠閒放鬆的感覺.   

行埋Ikea就去淘大搵鬆散熊專門店, 睇完行完已經9點, 突然想買隻遊戲game, 見依度貴就決定去旺角買

最終o係家樂樓下搵左間味吉拉麵館 試下, 一入坐侍應禮貌招待飲茶或水, 加分.
半肥瘦豚肉加叉燒豬骨湯底拉麵, 湯底合格, 無日本食的濃度, 但都有豬骨湯味, 半肥瘦豚肉同拉麵都唔錯, 豚肉有得揀幾肥, 我食依舊都肥架, 成舊五花腩咁, 不過依舊入口即溶, 好食wor, spoon內的是明大子, 有些少辛辣, 我覺得就咁食唔錯, 混埋湯麵就食唔到麻, 蛋是半生熟的, 反而叉燒唔合格, 乾身又腥.


爐端燒雞翼, 唔點醬汁都係較淡的, 所以醬汁係精華所在.

餃子唔合格, 未收乾水已經上碟, 外層完全唔脆, 直情淋.



牛肉沙律, 牛肉唔un, 不過更多牛味會更好, 淋上柚子醋更開胃!

埋單around $230/, 地點方便, 環境舒適, o係旺角食野最難搵間坐得舒服的店, 我坐4人枱都唔洗同人share, 好難得!! 不過亦有可能係太夜的關係.
食物合格, 最重要坐得舒服同所有侍應都有禮招待, 依樣已經好抵讚, 所以有機會一定會再黎!