帝苑酒店 - 雅苑座buffet

星期六晚與姑姐慶祝生日, 到了雜誌選舉 top 2 的帝苑酒店 - 雅苑座食buffet, 環境十分舒適, 不過想坐得舒服最好要求近鋼琴及水池位會無咁多人來往.
live 鋼琴伴奏及唱我比較喜歡的外國classic music, 聽住食更有氣氛!




salad有多國款式, 海鮮冷盤一般, 好似稍後才出我喜歡的螺, 可惜都忘記再取了.

多人推介的海南雞飯, 試了啖薑味重, 遮過雞油的香, 但都可以的, 反而雞我無試.
每人一份燒蝦及牛柳, 可惜都是失望貨色, 牛無味又un, 蝦唔爽口無鮮味.

熱食算不錯, 乳豬皮夠脆, 叉燒合格, 田螺著溶 mini tart 算幾好, 另還試了吉列豬扒, 燒春雞 就一般.  魚柳, 醬爆魷魚幾好, 最好就係薑蔥炒蟹, enocre了幾次呢.
火炎susi只有三文魚及蝦係較好食, 但飯不是珍珠米, 還要煮淋了, 大酒店用料質素都太馬夫了.
soup corner 可自選海鮮及湯, 試了海皇湯麻麻, 但海鮮還可的.

甜品無試太多, 竟然有款是聖安那蛋糕, 內的焦糖及忌廉是我喜歡的.

祝姑姐一年開心過一年, 身體健康, 心想事成!!! 最重要表妹聽聽話話.