大邊爐 da bino, 皇子甜品

追月晚同姑姐一家去了九龍城搵左間出名的大邊爐da bino 火鍋店打邊爐.
地面門口細小, 要行樓梯上, 有代客拍車, 方便駕車人士$40/2小時, 坐位不多,下圖一眼睇晒, 但算舒適 , 聽講好似再入間房有d位.




姑姐想試象拔蚌, 揀了條2斤9, 好似廿幾蚊兩, sashimi 極之鮮, 不可生食部位恰一恰亦十分鮮甜!!




依度出名手切本地肥牛, 不過今次揀左安格斯肥牛(大) 2百幾碟, 雪花均混, 開邊切, 牛香十足, 肉質淋得黎有咬口, 個個食完都讚!! 一碟好快掃清, encore.

鴛鴦火鍋湯底 - 一邊麻辣, 但不麻, 辣度不算強, 對我就剛剛好.  一邊瑤柱冬瓜, 啱晒想打邊爐又怕熱氣人士, 湯底有不少瑤柱粒, 而兩邊都有大大舊豬骨.
四色餃 - 鮮蝦水餃、素菜餃、西洋菜餃、莧菜帶子餃, 我特別喜歡last 的莧菜帶子餃, 莧菜唔會好似韮菜餃咁大陣味, 亦唔會好似菠菜容易淋, 加上帶子更顯爽口.
四寶丸 - 我至愛, 彈牙好味!



埋單$2100/,  份量剛剛好, 最緊要個個都讚有水準, 一分錢一分貨無錯o既.







留肚過對面食 - 皇子甜品, 門口派單張, 入場送和菓子, 免費黎講算不錯.

自己揀了款榴槤杯, 無咩驚喜.
原味梳乎里, 有蛋白香, 不過製作須時, 等到食晒其他都重要等.
芒果拿破倫, 最有藝術品feel, 亦最好味, 有機會都一定再order 依個.