calbee 專門店, 大江戶溫泉 day5- 10/12/2012

今年4月來DiverCity Tokyo Plaza原來都未正式開幕, 今次可以行這個新商場.

最開心見到我至愛 - Calbee 專門店!

當然有多種口味的薯片

但最特別都係這個新鮮出爐的薯片同野菜薯條, 有人問我與平時的薯片比較邊種好味, 我都好難形容, 平時包裝的會味道平均, 這種鮮製會有不均情況, 但暖暖的焗薯片配上雪糕又實在好喜歡呢, 野菜薯條, 平時包裝的只是脆, 但這款新鮮薯條又別巨風味呢.

還有座位坐底慢慢食.

 

另外DiverCity Tokyo Plaza都有不少精品糖果店之類的店鋪

來到日本當然要食KRISPY kREME DONUTS




還有聖誕版DONUTS

一直都好想買個編織皮袋, 見過人地handmade真係好靚, 不過自己無本事做, 今次難得比我在日本見到依隻都唔錯, 可惜display有缺點, 最終買唔到.

3coins的聖誕家品精品好抵好靚, 全部都只是305yen

好開心地揀了右面的玻璃木馬聖誕裝飾球, 點知返到香港都係比hugo打爛了, 算喇, 好在唔係好貴.

晚飯過去Aqua city 的 Pomme's 食蛋包飯



原來係我第一次食蛋包飯, 估唔到又幾好味wor!
我揀海鮮蘑菇味, 好啱我口味, 少有的食晒, 因份量唔算多.

黃生食牛肉粒蛋包飯, 是用茄汁炒飯配牛肉粒, 又係好味wor, 不過我都係較喜歡海鮮.

食飽返去睇Gundam night show (前篇), 之後過返去venus fort 拎返間大屋, sales 姐姐超好, 間屋有外箱之餘, 重幫我用個特大厚身膠袋包住個箱, 綁埋繩加埋手提扣, 重有個森林家族的膠袋貼面, 日本人的包裝同服務我都見識唔少, 但細心到咁真係心感佩服!!

拎完大屋重未完, 是晚同黃生一齊去大江戶浸溫泉, 今次經egl買入場卷大約1200yen, 抵過自己買好多.

第2次來無咁新鮮了, 不過同黃生來鬆一鬆都係件好事, 經過上次經驗, 食物一般, 都係出面食埋先來.

 

今次出了件新款浴衣, 其實大江戶選擇不多, 以往只有3款, 今次試了新款, 感覺女性都係花一點好.

黃生這個post有人話好英, 我都覺得似模似樣的, 加個髻會否更似呢....haha

唯一可男女共享的溫泉就是足浴, 今次比上次4月來凍很多, 真的須要穿外套喇, 浸了腳在溫泉水裡, 成個人都變得溫暖很多!

要行足浴路都不容易, 有些在水裡的石春真係幾尖的 有班日本男行過時都wiwa鬼叫, 極之攪笑!
而我踩緊的是double size 石春, 都真係有點痛呢.



玩完足浴, 浸埋溫泉, 當然要食杯雪糕, 不過我發覺, 大江戶內的食物質素都真係一般, 這杯嫌混合冰偏多, 不夠味.

 

玩到10點有多, 係時候返新宿了, 是日收穫, 除了下圖還有箱大屋呢.^^