季の湯 雪月花 溫泉與和食篇 day2- 7/12/2012

出面真係好凍呢, 幸好有著上毛毛背心頂住咋, 由於睇完玻璃之森已經係5:30後, 部份巴士線已停服務喇, 個天又黑晒, 幸好問清楚司機怎樣轉乘, 否則分分鐘在天寒地凍的環境等極都無車到.

安全回到酒店, 時間嘗早, 先回房hea陣, 洗澡後就準備8時食和式晚宴, 等待時間先食酒店提供的小食, 唔錯wor.

其實今個行程最重要係為了一個藉口而成的, 就係與黃生的十週年結婚紀念日, 正正就是這天了, 特別地遇上地震, 跌相機等, 這些不幸運在這天發生亦已過去, 安安全全可一齊慶祝是最好不過的!

洗完澡, 穿好浴衣, 拎埋浴巾籃先去晚飯

感覺黃生好大殺氣, 真係幾有江戶feel, 如果頭後加埋髮髻會更似...haha

今個和食晚餐以精緻為主, 亦飲了我人生中正式第一杯酒, 其實這杯是橙酒, 應該酒精極少, 少到只是極微的酒澀, 亦不會焯喉, 而且有橙香味, 不錯.

 

看不懂的menu

今晚主角唔知咩魚, 不過肉質鮮嫩, 可惜太少了...

野菜天婦羅





最後還在食到尾聲的精華湯加上泡飯, 還有雞蛋同苟弱絲, 如果唔係咁飽我一定食多點.

食埋無想過幾好味的什果凍, 很開心的一餐結婚紀念和食晚宴.

食完有時間看看精品店, 買了這隻可愛的兔公仔




職員很貼心, 見我地影相, 主動行埋黎幫我地合照.

食飽休息夠, 先去浸了"觀月", 是三款其中一款可2人浸的私人露天溫泉, 好在唔係等太耐, 出面等始終幾凍.

 

酒店內的所有溫泉介紹, 晚上的大沿場景色很美, 不過我要第二朝先有時間浸了...

可2人浸浴的私人露天風呂

細浴場內的炭酸泉, 又係太多浸唔晒

所有溫泉的平面圖, 要2日內浸晒真係唔容易...

浸完成個暖晒, 有免費益生菌提供任飲, 浸完飲更爽! 



回房休息一會, 又可在11點前食返個免費拉麵, 可能免費, 個個都食得特別開心!! 不過唔識聽日文原固, 叫到過晒龍都唔知...haha

 

最後當然唔少得食返個雪糕做甜品喇!

特別 . 完滿的紀念日!