今次好好彩, 可能個package太貴, ANA free upgarde去 VIP 候機室, 坐得舒服又有mini bar提供早餐, 而且非常近登機閘位, 實在係好開始!
3點多到了成田, 京王酒店的專線機場巴士剛剛過了開車時間, CS小姐非常好, 建議搭新宿西口站的巴士, 即刻決定轉搭, 總好過在機場呆等吧, 而且剛開始終止了SUICA & NE'X車飛的優惠, 否則一定選搭火車呢.
幸好新宿西口行去 京王酒店 都十分方便, 只係8分鐘左右就行到, 行去只須一條直路, 沿途都有不少商店食店, 亦有藥妝, Coffee shop, 還有yodobashi 十分方便, 如遇上落雨天還可改行有蓋行人隧道. (後話)
行到半路竟然開始刮大風呀, 氣溫都變得好凍, 今次4月來算係比較凍, 只有6-16度, 唔著大褸都唔得, 不過這刻就係無著, 行到酒店門口, 已經吹到變傻婆, 好在bellboy出來救駕, 我地咩行李都唔理就沖入酒店喇...當時情況真係又好笑又浪背.
黃生話我以前住過京王我都無咩印象, 應該當時係跟團吧.
今次自由行, 感受到佢服務有規律之餘亦很周到, 無論check in, 買京王回程機場票, 連上房都有專人服侍, 亦細心講解房內所有設施, 不得不讚!
而且今個 trip又有多一個 free upgrade Deluxe Twin Room, 空間感好大, lucky!
房內大到可以同時開3個大喼呢.
還有咁大條路行, 大家都非常滿意^^
安頓好, 把握時間出去搵食先, 酒店附近都有唔少食店, 最終搵左間唔洗排隊的 八吉 新宿ワシントンホテル店
小菜都送蟹糕, 我最愛!
印象中只有日文MENU, 在緊有的漢字和一些附有圖的食物裡搵食, 難度非常高, 不過總算完成任務. 揀了不錯的蝦 同 蟹餅.
鹽燒鯛魚, 正!
鰻魚茶泡飯, 第一次食 茶泡飯, 唔知點食就要問, 都係加些茶到飯一齊食就OK, 我覺得又幾香幾好味.
燒雞柳.
在所餘不多的時間想搵件蛋糕返酒店做宵夜一點也不容易, 因為日本店舖都十分早收, 就算在新宿最繁華的區內也是呢.
行到下圖的對面店...
只餘這間了, 揀了菓撻, 可惜唔多好食, 在日本就算便利店都買到好味蛋糕, 所以買到這件唔好味的機會率真係不容易呢.
經過一間沒有幫襯的糖果店, 印象中次次來都好喜歡七彩繽紛的糖果, 但次次都係運吉 XP
日本時間10點幾大部份商店已關門, 依D時間多數都要回酒店吧,但今次選擇去東京都廳參觀,雖然是晚天氣麻麻, 不過夜景仍然不錯
最重要還是因為有博品館呢, 雖然款式不夠多, 但都算有不少產品
開放時間 9:30-23:00 (第2和第4 Mon.off)
其實東京都廳就在京王非常近的位置, 所以回酒店也十分方便
京王酒店有間不細的便利店, 精品, 食品, 飲品等都有賣, 啱晒我地一定要食過宵夜才可睡的人.
| NH812 7:30 (HKT) | HKG airport (TERMINAL 1) ANA ZONE E | ||
| 9:40 (HKT) | HKG airport departure | ||
| 15:00 (TOKYO) | arrival NRT airport (Terminal 1) | ||
| Limousine Bus | Limousine Bus (3100yen) | (transit time: 95-130mins) |
沒有留言:
張貼留言